[أحمد القحيم]

السلام عليكم ورحمة الله وبركاته
وأسعد الله أوقاتكم بكل خير
وكل عام والجميع بالف خير وسعاده
أما بعد،
أخترت أحد قصائد الشاعر المبدع:
متعب التركي
وإنشاءالله تنال على أعجابكم

لاتنشغل فيني أنابحالي ادرى=قلبٍ تعلّق فيك ينسى مع الوقت
اكثرمن اللي صارلي ويش يجرى=بين الرجا والياس شفني تعلّقت
مثلي ولوشفته عن همومه ازرى=ماقال ليتك في جروحه ترافقت
هاك القصايد لاتضايقت واقرى=شف وشكثرفيها لبسماتك اشتقت
أثر الوفا ينباع عندك ويشرى=ماكنت اصدق فيك واليوم صدّقت
يامشتهي فرقا المواليف حذرى=تبعد وأنا من سكرة الحب مافقت
لاطافت الفرصه تحريت الاخرى=وتروح ماكني عليها تشوقت
ساري لو إن الليل مافيه قمرى=اشيل من حمل الهوى فوق ماطقت
لاصار حظ أقشر والايام قشرى=مافيه احد عاقل يلومك إليا ضقت
صحيح بعض الناس فرقاه بشرى=وبعض البشر لاغاب ليله تضايقت
ليتك خذيت بليل الاحباب مسرى=غربت من كثر الطواري وشرّقت
السيل يبقاله على القاع مجرى=ويبقالك التذكار لو كنت فارقت
اشوف لك من وين مارحت ذكرى=ولا شفتها صديت عنها ودنقت
ماكل جرحٍ لاخذا أيام يبرى=بعض الجروح يزيد شره مع الوقت

---

ودمتم بحفظ الله ورعايته

الموضوع الأصلي: اشوف لك من وين مارحت ذكرى الشاعر:متعب التركي | | الكاتب: أحمد القحيم | | المصدر: شبكة بني عبس

[أثير الشوق]

من روائع متعب التركي واختيار جميل..الله يعطيك العافيه

[أحمد القحيم]

الله يعافيج يالغلا ويحفظج
والاجمل طال عمرج
مروج وحضورج الرائع
وتسلمين يالغلا
على المرور العطر
ودمتي بحفظ الله ورعايته

[الـريـم]

ابيات رائعه
تسلم الايادي

[أحمد القحيم]

الريم
الأروع طلتك وتواجدج يالغلا
لاهنتي يالغلا على المرور العطر
وتسلمين من كل شر يالغلا
ودمتي بحفظ الله ورعايته