[سموالمعالي]

قعـــت بــالــي ريع العصر ظلــه ** رجمــــــن طويل وكل حيً رقابه
وطـــرا عـــليه شي محدن فطلــه** اليا طرا لــــــلقلب لاوعــذابــــه
قامـت دموعي من عيوني تـهلـــه** لــــو ان دمـــع العين مافيه ثابـــه
ضــلوع قـلبي والـضمايـر عـولـه **قــــافــن بغيره ماحسبــنا حسابــه
طـرا علي اللي يشــرف محلـــــه** دون الخوي والضيف ماصك بابه
انتــم هــل المعروف وانتم هللـــه **من يجحد المعروف ماله مهابــه
ان قلت الاشرف قالو الناس والله **الله عــــطــاه مـــن الطبايع حـبابــه
عسى السحاب اللي مزونه مظله** يمــــطر عـــلى قبره روايح سحابه
هذا مــكانــه قــبل طـويت سجله **هـــــــــذا مكـــانه مـــــقعده لذيابه
وهذا الفقش ماجود في مقعدلــــه **هذا مطيح الذيب بالنــــار صابـــه
هــــذي فــعـوله كامله بالادلــــه **في جنة الـــفردوس يلقى ثوابــه

الموضوع الأصلي: مرثية محمد الاشرف لشاعر صويان صالح الرشيدي | | الكاتب: سموالمعالي | | المصدر: شبكة بني عبس

[عايد2001]

صح لسان الشاعر صويان
والله يرحم محمد الاشرف
ولاهنت على نقل القصيده

[تعبت منك]

صح لسان الشاعر صويان
والله يرحم محمد الاشرف
ولاهنت على نقل القصيده

[آلنجم]

الله يرحم الاشرف ويسكنه فسيح جناته

[عايض حماد بن عريجه]

صح لسان الشاعر صويان
والله يرحم محمد الاشرف
ولاهنت على نقل القصيده

[غيمة مطر]

صــــــح لســــــــان شاعـــرها
ويعطيــك العافية على النقـــل المميـــز