[سحايب]

كل منفى له غريب وكل غريب وله حنين
وانت وافي لإغترابك تحت تأثير الوداع


مايجيبك ضعف واضح من تراتيل الأنين
طول عمرك شخص يرفض من متآعبه السماع


يا"رَجُلْ " ودي بموقف ينرفع فيه الجبين
وقتها لو جيت خطوه ردها قلبي ذراع


الحكي لاصار يبدا في سؤالك "كنت وين؟"
يستفز البوح فيني منك حد -الإمتناع-


مو لأني شخص فاقد في إجابته اليقين
بس مليت اجتنابك وانت تحكي بإندفاع


الغموض اللي يثيرك لإكتشافي مايبين
لو سألت الفين مره وانت "أعمى" عن شعاع


ماغفيت الا وانا احضن ذكرياتك باليدين
وانت تحسبني اخونك وقت ذاك الانقطاع


المجاهيل افترضها بألف صاد والف سين
وفتّش بجملة حلولك عن علامة "إقتناع"


ليه اذا جيتك اوانا ابكي اوصف ان البعد شين
ارتيابك من حنيني يشعل اسباب الصراع..!


انت اغرب شخص يحلم بالخيانه من سنين
ارتفع لك وانت تسأل عن وجودي كل قاع


اختنقت وانت تعرف وين الاقي اكسجين
ولما احتاج اتنفس "غصب" بيطيح القناع


كم تنفستك حقيقه وكم تأثّم لك يمين؟!
كم جرحت وكم رحلت وكم تعاهدنا الوداع


تدري وش فيك انجذب له ان مابك شي زين
الا انك شخص"رائع"فوق قدر المستطاع


بس ظلمت ب"انتي حره" والمدى يسألك وين؟
كيف ترسلها سفينه وانت أحرقت الشرآآآآع


وقتها كان ارتجافي خوف من شر الحنين
ياترى يهديك وصلي وينتهي اجمل ضيآآآآآع







رآآآٌق لي ....

الموضوع الأصلي: اختنقت وانت تعرف وين الاقي اكسجين..,, | | الكاتب: سحايب | | المصدر: شبكة بني عبس

[عايد2001]

تدري وش فيك انجذب له ان مابك شي زين الا انك شخص"رائع"فوق قدر المستطاع

صح لسسسسسان شاعرها
ولاهنتِ على نقلها

[مذكر الرشيدي]

كما عاداتك في ابداعاتك

تقبلي مروري

[سحايب]

اقتباس من مشاركة عايد2001 صح لسسسسسان شاعرها ولاهنتِ على نقلها

لاشنت وصح بدنك مشكور
على مرورك ،،،،،

[سحايب]

اقتباس من مشاركة مذكر الرشيدي كما عاداتك في ابداعاتك تقبلي مروري

مشكورعلى مرورك مذكر
لاهنت،،،،،،،

[سـعود المضيـبري]

صح الله لسان شاعرها وصح الله لسانك اختي

على النقل الرااائع

والله يعطيك العاافيه

[جفاا]

الله الله
ي لبآ هالذووق
دووم وآنتي ذووق ي دممعه ^^
عوآآآفيي بعدي
لاعدمتج

[سحايب]

اقتباس من مشاركة سـعود المضيـبري صح الله لسان شاعرها وصح الله لسانك اختي على النقل الرااائع والله يعطيك العاافيه

صح بدنك سعود الروعه
مرورك لاهنت،،،،،،،