[أنفاس الفجر]

طَآإآبت آوقاتكَمْ بالسَعّد!

أقَـدمْ لكُـمْ آليُـومْ قصيدة

غيبوبة..
من صدمـة الوُقت كـني وسـط غيبوُبه

ما عدت افرق ، عدويني من اصحابي

الله يجازُي . زماُن زأدت عيـوبه

الي جعل كل طعناتي من احبابي

ما اكذب الي خدعني طيبة اسلوبه

ولآ اصدق الي يقول اعدائي اقرابي

ما كنت داري الاوضاع مقلوبه

لين شفت المطوع سمي ارهابي

ياكلمة الحق ما انتي صدق مرهوبه

الله يحيك يمي فاتح ابوابي

عاقل وهادي لكن صرتي عقوبه

مرات اقفل عشانتس قفلة اعرابي

لو كنت اجامل والفي كل منجوبه

ما كان لا جاء المعاند تسبق ركابي

لو كنت شخص يسد حضور مندوبه

ما كان لا غبت تفقد غيابي

ولو كان غيري بيدين الوقت لعبوبه

انا من الناس وقتي يحسب حسابي

لإن البدن ما لبس ثوب مهو ثوبه

فقير لله ربي واعرف ثيابي

ويابنت درب الهواء معاد انا صوبه


يابنت درب الهواء معاد انا صوبه

لو زاد شوقي عليج المر عيا بي

الناس بالشام مذبوحه ومسلوبه

وانتي تبين الهواء والشوق يزها بي

انا اشهد انه بصدري نار مشبوبه

والي يسواء بهم كانه يسواء بي


صحيح نصف العرب مافيهم عروبه

لمن تذكرت فيصل تغرق له اهدابي

يابنت وين الرجال الي لهم نوبه

انا على المسلمين انهارت اعصابي

العمر مكتوبه والارزاق مكتوبه

جعلي اجي في يمين شايل كتابي

لا هنت يالي كلام الحق عذروبه

الله يستر عليك وسجل اعجابي

للشاعر الرائع:

عبدالكريم الجباري

الموضوع الأصلي: غيبوبة - عبدالكريم الجباري | | الكاتب: أنفاس الفجر | | المصدر: شبكة بني عبس

[الاجهر]

صح السان شاعرها ولاهنتى على اتحافنا بها

[طلال محمد ناهس]

صح السان شاعرها لاهنتي ع النقل

[الشاطئ المهجور]

شاعر يستحق التقدير شاعر له حظور له كلمات رائعه

اهنيك على الشعر الذي يصوغه

غفوه .:أهنيك على الاختيار أهنيك على الابداع

تحيتي لك اختي

[مسندالعويمري]

الله درك يا عبد الكريم تملك حس شعري وحس نسانى

شكرا غـَـــــفَوةْ حُـــــلَمْ

[بندرأبن طريف المظيبري]

الله يجازُي . زماُن زأدت عيـوبه

الي جعل كل طعناتي من احبابي

انتقاء رائع صح السان الشاعر/

عبدالكريم الجباري........
وتسلم ايدك ع الاختيار الراقي
أكثر من رائع عزيزتي

[قتيل الشوق]

الشاعر عبدالكريم شاعر غني عن التعريف
و أبيااته راائعه و جزله
و أختيار موفق
شكراً غفوة حلم ..

[أنفاس الفجر]

اقتباس من مشاركة الاجهر صح السان شاعرها ولاهنتى على اتحافنا بها

شاكره مرورك يسعدك ربي