[سيوف بني عبس]

اخر طريق

بسم الله الرحمن الرحيم

السلام عليكم ورحمه الله وبركاته


واقف على اخر طريق نمر فيه احتريك \\عشان اقول الله يسامح خطا من غصبك

بروح لكن ورب البيت ميت عليك \\هذا اخر الي بقوله لو يحرك غضبك

مافيه حل بيديني ولا بعد في يديك \\تعبت واقسى شعور اتعبني لحظة تعبك

لا تعاتبني انا من كل قلبي ابيك \\جارحني الوقت وأكثر منه يجرح عتبك

لو افترضتك أميره وان جدك مليك \\انا بعد ماني بقاصر واشرف نسبك

لكنه الفقر خلاني قبل لا ارتويك \\افكر الفي 2000 ن مره وابتعد عن طلبك

لا بعت نفسي عشان اكسبك يدك واشتريك \\ماني كفو وقتها اكون انا من عجبك

بقول جمله وقوليها على والديك \\من باع نفسه يبيعك لا شراك وكسبك

والله لو كان فيني عرق تاليه فيك \\ماقفوا دون حلمي في عيوني عربك

ما بين اجيك وخلاص ابعد ولا عاد اجيك \\خذتني افكار ليل(ن) ضامي(ن) ما شربك

الله يذكرك يا ليلة لقانا هذيك \\الشوق فيها ذبحه البعد ليما قربك

في جو هادي ونور من القمر معتليك \\وانتي وانا والولع وضلوع صدري حطبك

كل ما بردتي تشبيني غلا واحتويك \\كان الوله كل مره تعاندينه غلبك

مالي شريك بحياتك وانت مالك شريك \\داخل حياتي وفجأه من حياتي سلبك

الله يهينه والله يحفظه ويحميك \\حتى لو انك نصيبه وقسمته الله كتبك

خذاك مني وانا ساكت ولا برتجيك \\بس بطلبك شي واحد قبل اوادع هدبك

قولي له يدير باله لا تعبتي عليك \\خابرك طبعك خجوله تصبرين بتعبك



مع تحيات شطحات

الموضوع الأصلي: اخر طريق ~~}لـ ثامر شبيب...ق.ش | | الكاتب: سيوف بني عبس | | المصدر: شبكة بني عبس

[عايد2001]

صح السان الشاعر ثامر شبيب
والله يعطيكِ العافيه على نقل القصيده

[سيوف بني عبس]

اسعدني مرورك عايد

[المشعل]

صح السان الشاعر الرائع ثامر بن شبيب

ولاهنتِ سيوف على النقل الراائع

[سيوف بني عبس]

لاهنت اخوي مشعل اسعدني مرورك

[عيد الداموك]

صح السان الشاعر الرائع ثامر بن شبيب

ولاهنتي سيوف عبس على النقل الرائع

[سيوف بني عبس]

لاهنت عيد ع المرور العطر