ضــع اعــلانك هنا

سعد الشقل

البيت صقر النصافي /مانيب من يطرد سراب بمضمـاه =شاف السراب ويحسب انه غديري

معنى البيت الاحلام الوهميه الغير صادقه

المقداد

سلام والمعنى مثـل ماعرفنـاه=معنى كبير وصقر شاعر كبيري
والرجل لمن بالزمن باهت ارياه=ماهوبعيب بحاجتـه يستشيـري

شاعر الوطن

يامرحبا ترحيب وافي بمعناه=من شاعر ن بالشعر فاهم خبيري
كلن يقول وما وصل ما تمناه= صارت له الافكار مثل السريري

المقداد

الوضع مزري والبطل يجذب اغناه=سيفه على متنه بوسـط الجفيـري
بالله قل لي يافتـى ويـش نتنـاه=وانته وانا ناقف خلاف الاخيـري

شاعر الوطن

الوضع طيب والردى ما بغينـاه=في سنه محمد ترانـا نسيـري
حنا عرب والظلم لا ما رضيناه=نشوف غزه بوضع جدا خطيري

المقداد

محلا كلامك يافتى الجود محلاه=ماغير هرجك باشفايف ماغيري
ترضا مترضا حود الشيخ علباه=يديـر لقالـوا نبـي تستديـري

شاعر الوطن

الوضع هذا جاهل ن في خفاياه=كلن يقـول ومايحقـق كثيـري
يالجنه التحكيم مكثـر خطايـاه=نوشك على درب النهايه بخيري

المقداد

ياذيب ياللي يسمع الراعي اعـواه=عواك تال الوقت عـود صفيـري
تبي راضاهم جب من اشيوخكم جاه=وقبل لحا الاعضا وخشم المديـري

شاعر الوطن

كلن لاشاف الذيب مقبل تحاشـاه=يا خاف من علم (ن) يعود خطيري
ماني بمن يطرد علوم (ن) مسواه=يلي ترز الخشم عند الوزيـري

المقداد

معنى صقر ياصاحبي ليه ننساه=اغير وانته صرت مثلي تغيري
اللعب فن وذوق وايضا ملاواه=خيلن ونوب يصير معها حميري

شاعر الوطن

معنى الصقر يا صاحبي مـا جهلنـاه=مثل الذي يحلم بفرشه يطيري
من يظلـم العربـان بالنـار مثـواه=وعن الخطا يا صاحبـي مستخيـري

مواضيع مشابهة
الموضوع	الكاتب	القسم	الردود	آخر مشاركة
المقداد / شاعر الوطن	شاعر الوطن	قسم المحاورات المنسقة	9	30-10-2009 02:15 PM
المحاوره (14) شاعر بني عبس × الشاعر	سعد الشقل	قسم المحاورات المنسقة	0	28-01-2009 02:34 AM
رشح شاعر المحاوره المفضل ..... ! ؟؟	الكرسي	منتدى المحــــــــــــــاوره	30	14-06-2008 11:11 PM
نبذه عن شاعر المحاوره علي الهيفي	الصحفي الحر	منتدى المحــــــــــــــاوره	13	08-01-2008 07:10 PM
خلف بن هذال .. ( شاعر الوطن أم شاعر البلاط ) ؟	خلف العايضي	منتدى الشـــعــــر	7	03-11-2007 01:33 PM

أقسام الموقع

يتصفح الموضوع حالياً : 1 (0 عضو و 1 ضيف)