[مشعل لويفي]

مابيك لو الرزق كله باياديك=لوّك جلى فقري وسبّت غناتي
مابيك كلمه قلتها لك وانا ابيك =لو البحر يصبح زلالٍ فراتي
مابيك لو الحسن كله مواريك=لو الشفق دمه بخدك يباتي
ابعد وانا ابيعك ولاظني اشريك=ابعد وانا بامسحك من ذكرياتي
حقك علي اني مع الوقت ماطريك =ماطريك انا مادام حصلت نجاتي
اكبر غنيمه يوم كشفت معانيك=وانا من اول فيك ضيعت ذاتي
ازعل على مزعلك وارضي مراضيك= واشقى على شانك بكل الجهاتي
واثرك تكن الحقد وتخون مغليك =تعطيني السيّه واخذت حسناتي
لا وخسارة وقت اللي مضى فيك = لا وخسارة كل يوم بحياتي
صارت نهاية حبنا فعل اياديك=هالحين لاميّك ولانته نباتي
طويت سجلاتك وهدمت مبانيك = مامن ورى صحبتك غير الشماتي
لاميتٍ تدفن ولاحيٍ ارجيك =صارت حياتك مثل وضع المماتي
اقولها بصوتي ولاني مناجيك=خلك بعيد ابعد من الحايماتي
مابيك كلمه قلتها لك وانا ابيك=لو البحر يصبح زلالٍ فراتي

الموضوع الأصلي: مـــا بيك! | | الكاتب: مشعل لويفي | | المصدر: شبكة بني عبس

[سلطان العايضي]

ونورت المنتدى بهذي الابيات والتحفه الرائعه

مابيك لـو الـرزق كلـه باياديـك = لوّك جلى فقـري وسبّـت غناتـي

[رشيدي وربي الله]

صارت نهاية حبنـا فعـل اياديـك
هالحيـن لاميّـك ولانتـه نباتـي


روووعه القصيدة
تحياتي لكـ،،،

[مشعل لويفي]

الله يبارك فيك
إطراء جميل والمنتدى منور بوجودك
وشكرا لك اخي سلطان العايضي

[مشعل لويفي]

إختيار رائع من شخص أروع
شكرا وكفو يارشيدي