[فيصل الدلوم]

هــذا أنــا




قصيـده جديده
أتمنى أن تحوز
على رضاكـم

ليه الغدر..!! ليه الجفا..!! ليه بعتيه..!!=ليه بسهوله عن طريقـه مشيتـي..!؟
غبتي (وقلبه) فـي غيابـك ملكتيـه=تكفيـك (نبضاتـه) إلامـن طريتـي
عقله يفكّر بـك .. ووقتـه سرقتيـه=من يوم ماقلبـك .. نسـاه وجفيتـي
مدري تحبينه..؟ ومدري كرهتيـه..؟=بس الوكاد أنـك بحقـه (خطيتـي)
ماهو على خبـرك مثـل ماعرفتيـه=حاله تغيّر .. للأسـف مادريتـي..!؟
أنا أشهدأنـك فـي غيابـك دمرتيـه=ياللي علـى منهـو يحبـك قسيتـي
كل الكلام اللـي وصلـك وقريتيـه=تدرين من عنّه..!؟ أو أنك نسيتي..!؟
هذا أنا (حبيبك) اللـي نسيتيـه..!؟=اللي عن عيونـه بلحظـه (أختفيتـي)
هذا أنا (حبيبك) اللـي خدعتيـه..!؟=اللي على صـدره بليلـه (غفيتـي)
هذا أنا (حبيبك) اللـي خذلتيـه..!؟=اللي يحـس بضيقتـك (لاشكيتـي)
هذا أنا (حبيبك) اللـي كسرتيـه..!؟=اللـي يجيـك ويحظنـك (لابكيتـي)
إن كان حبـي مـن حياتـك نهيتيـه=وفي غيبتك (لاماضعفتـي) (قويتـي)
كملي طريـق ٍ دون داعـي مشيتيـه=وروحي على كيفـك مثـل مابغيتـي
ياللأسـف حـب ٍ بنيتـه هدمتيـه=(وفيت) وأنتي..!؟ (للأسف ماوفيتـي)

الموضوع الأصلي: ((--- هــذا أنــا ---))..!؟ جديــده | | الكاتب: فيصل الدلوم | | المصدر: شبكة بني عبس

[ابوطافش]

صح لسانك
تقبل تحياتي

[فهد المويسه]

صح لسانك يا بو ناصر

قصيده جزله ورائعه كــ عادتك دائما جزل

وتقبل سلامي

[مرزوق العجوني]

صح لسانك اخوي فيصل ولا هنت وتقبل مروري

[موسى بن سيار]

صح لسانك يابوناصرقصيدة جزله من راس جزل

[عبس404]

صح لسانك وقصيده رائعه

[محمد الدغباسي]

صح لسانك يافيصل قصيده رائعه
تقبل مروري

[مالك الصامل]

ياللأسـف حـب ٍ بنيـتـه هدمتـيـه
(وفيت) وأنتي..!؟ (للأسـف ماوفيتـي)



صـــح لـــســـانكــ قصيده جزله من شاعر لايكتب الا الجـــزل....

تقبل مروري وسجل اعجابي....دمت بـــمــودهـ.

اخـــوكـــ: مــالــكـــ الــصــامــلـ.