[أثير الشوق]

السلام عليكم ورحمة الله وبركاته


(قصه أعجبتني وحبيت انقلها للمنتدا وانشالله تعجبكم)


قصة بنت كانت تطالع واحد بعين قويه المهم الرِجال طلع شاعر وما قصر فيها كم بيت عشان تتأدب لكن المفاجأه هي ؟؟؟؟

كل شبر بهالوسعيـه ملـك ربـي تعلميـن
وأعلم إن اللي خلقني هو خلق لـك هالعيـون

لكن انتي من جلستي وانتـي فينـي تحدقيـن
كن ما به ناس غيري بهالكراسـي يجلسـون

لو سمحتي عاد أسمعي وحتى لو ما تسمحيـن
المهـم اللـي بقولـه تسمعينـه و يسمعـون

ع الأقل ليا نظرتك سـوي روحـك تستحيـن
غضي طرفك مثل غيرك خوف ربعي يلمحون

الركادة عاد زينة والحياء فـي البنـت زيـن
وفيـك جآزم لا ركـادة ولا حيـاءٍ يـذكـرون

تعرفينـي ؟! أعرفـك ؟! ماأذكـر إنــا ملتقـيـن
لا أعرفك من تكوني و لا تعرفي مـن أكـون

وإطمأني إن كان قصدك بس فينـي تشبهيـن
ما هـو أنـا إلي تعرفيـه والبشـر يتشابهـون

مـا دريتـي من التشابـه يخلـق الله أربعيـن
وأعرف أربع يشبهنك بـس والله يستحـون

وإن كان قصدك شي ثاني عاد قولي وش تبين
خايف إنا نصير فرجة وإللي ماشتروا يتفرجـون

وإذا ببالك عاجبتنـي لا يحوشـك تحلميـن
صح ربعي من جمالك فيـك صـار يمدحـون

بس وش لي في حلاتك دام فيهـا ترخصيـن
حشمة البنـت وحياهـا والكرامـة يلفتـون

ولو توفر فيك هـذا مـع حلاتـك تبشريـن
ما هو أنا ألف غيري بـاب بيتـك يطرقـون

وش علامك رغم كل اللي أقولـه وتسكتيـن
مو طبيعي هالسكوت وهالبـرود وهالسكـون

إنتـي خرسـا أسألـك ولا منتي تسمعيـن؟؟
قالوا ربعي ذي كفيفـة قلـت لا لا تمزحـون

لين شفتك يوم رحتـي يمسكونـك باليديـن
ما دريت إلا عيونـي أربـع أربـع يذرفـون

آه ياني منه مشهـد يـوم شفتـك ترحليـن
جيت اشوف عيون ربعي لقيت الكـل يدمعـون

قلت سنّـة هالحيـاة وحـن ترانـا مؤمنيـن
الله اللـي مسيّرنّـا بيـن كافـ وبيـن نــون

وكل أبونا نختلف مع إننا مـن أصـل طيـن
سبحان يلي مصورنا ولله في خلقـه شـؤون

يعني حنا كل أبونـا عـاد إسمنـا بنادميـن
وليا قضى ربك أمر وقـال لـه كـن فيكـون

فينـا يلـي رازقه خيـر رب العالمـيـن
وفينا يلي هو لعطفه بحاجة القلـب الحنـون

وفينا يلي مـا شكـى مـن علـةٍ كالآخريـن
صـمٌ و بكـمٌ و عمـيٌ فـهـم لا يفقـهـون

بس قليل عـاد فينـا للنعـم هـم شاكريـن
والله يرزق هالخلايق من حيث هم لا يعلمون

وتدري عاد يالكفيفة حنا تراى متشابهيـن
وإن ماانعمت أبصارنا قلوبنا هـم إللي يعتمـون

يالكفيفة يالعفيفـة إن قلـت آسـف تقبليـن؟؟
يغفر الله ذنوب عبده ليا خطا وهـل تغفـرون؟؟؟؟

الموضوع الأصلي: قصة بنت كانت تطالع واحد بعين قويه!!!!!! | | الكاتب: أثير الشوق | | المصدر: شبكة بني عبس

[مسندالعويمري]

الركادة عاد زينة والحياء فـي البنـت زيـن وفيـك جآزم لا ركـادة ولا حيـاءٍ يـذكـرون

والله فاهم خطاء هوالي يحتاج ركاده و تمعن زين

شكرا على النقل

[ذكرى الاحزان]

يعطيك العافية


تحيااااااااااتي لكم



تحية معطرة ومبخرة

[أثير الشوق]

اقتباس من مشاركة مسندالعويمري والله فاهم خطاء هوالي يحتاج ركاده و تمعن زين شكرا على النقل

تسلم على المرور الكريم

[آهــذريــبــك]

ههههههههههههههههههه


مشكوره اثير


والله قصيده رائعه


دمتي بخير

[أثير الشوق]

اقتباس من مشاركة ذكرى الاحزان يعطيك العافية تحيااااااااااتي لكم تحية معطرة ومبخرة

ياهلا ومرحبا بك ...مرورك أسعدني
تحاتي لكي وأشكرك على الرد الجميل بجمال اخلاقك
دمتي بحفظ الرحمن

[عبدالله العرعري]

يسلموووووووووووووو اثيرررر على هالقصة والقصيدة الراااااااااائعه ودمتي على الابدااااااااااع والتألق

[أثير الشوق]

اقتباس من مشاركة حاكم ههههههههههههههههههه مشكوره اثير والله قصيده رائعه دمتي بخير

تسلم على المرور الكريم