[سحايب]

لو شكاك البعد ... بعيوني وطن
في مضيق الموق ترسي لك سفينه




شف بحور العين ..! كم فيها سفن
وشف هنوف الليل وملوك المدينه.



من حضارات .! ومشاعر في مدن
لَمّها قلبي ... وحاكمها ... ضنينه.



لو تسافر مع غيابك ...! لا تظن
اني اسلا عنك.! والذكرى سجينه.



بطلق الذكرى.! واغني لك واحن
لو عزف ضلعي على قلبي ونينه.



من لحون الحزن يشفع لك لحن
غنّته ذكرااك...! ببيوت ٍ ثمينه.



في شفاتك لو ضحك سن الزمن
النفس..! عطّر شهوره مع سنينه.



ماملا عيني ...! ولا حتى سكن
غير قلبك..! لو هجر حبي عرينه.




باقيه بالقلب .. لو حبك طعن
يكفي ان الروح .... تملكها يمينه.



اغسلي وجه الغياب اللي فتن
روح شاعر صفحة الخفاق عينه.



لو تروح بعيد .! ببقى لك وطن
ينتظر قلب ٍ ...! يرده له حنينه.



مايبيد الحب .... لو باد البدن
لو يفوح الشوق وجروح ٍ دفينه.



ما يموت الود ...! في قلبي كفن
ولا يغيب الطيف بعيون ٍ حزينه.



بكتبك بالشعر لو دمي ثمن
ينطقه وقتي ..... ولحنه تسمعينه.



ياغياب ٍ ...! فك في جوفي حزن
سَنّ سكينه ..! وذكّى له سكينه.




مابقى بالقلب من كثر الشجن
غير تغريدة أمل ..! في فم وينه.؟

الموضوع الأصلي: ياغياب ٍ ...! فك في جوفي حزن سَنّ سكينه ..! وذكّى له سكينه. | | الكاتب: سحايب | | المصدر: شبكة بني عبس

[ابوتوتو]

اختيار مووووفق
ربي يسعدك ياذووووق

[مشلحط الشعار]

ماشاء الله عليها قصيده طيبه

[سحايب]

اقتباس من مشاركة ابوتوتو اختيار مووووفق ربي يسعدك ياذووووق

ومن قال مشكورعلى مرورك

[سحايب]

اقتباس من مشاركة مشلحط الشعار ماشاء الله عليها قصيده طيبه

ومرورك اطيب ^-^
ﻻهنت....

[عبدالله الصفران]

اختيار مووووفق
ربي يسعدك ياذووووق
سلمت يمنااك

[سحايب]

اقتباس من مشاركة عبدالله الصفران اختيار مووووفق ربي يسعدك ياذووووق سلمت يمنااك

ويمناك ومن قال يسعد
مشكورعلى مرورك الراقي

[سند الداموك]

نص راائع

ويعطيك العافيه سحايب