|
خيارات الموضوع |
|
يا علي لـي شفتـو اعبـور الحبـاري=ادفع لنا مكتـوب عـن عبـرة الطيـر اليا جر هدا سهيـل وقـت الصفـاري=وبيـن مـن المنشـا مزونـن مزابيـر وقرب انقال اللي علي الطلع ضـاري=وشفت الحرار تدوج فيهـا الصقاقيـر يـا مـا حـلا كـل بطيـره ايمـاري=امجرنـس طيـره ليالـي المعابـيـر هـذاك شفـي وانـت بالقـلـب داري=الله ايلحقنـا انقـالـه عـلـي خـيـر سقـو الياشفـنـا نـبـات الـمـذاري=ابـدر الاحيمـر مايبـي فيـه تفسيـر فـي حجـر فيهـا نشـوف الاثـاري=ريمـي وعفـري وبـرق مخامـيـر في فيضت مدهـال ريمـي وعفـاري=حول الشنانـه فـي هذيـك العثاميـر محلا بها المقناص صبـح وعصـاري=لـي ضايـف النـادر ومريتـه اديـر حطـه ايسـار والـدريـل ايــداري=وزهب لها قدام من وزنة اتطير ( قلط ) معنا نشامـا لـي ضربنـا المحـاري=عوق الرويم وعـوق بـرق الدواغيـر اخليف وزنـي فـي وانيتـه ايـداري=وعايش وابن سيحان ريـف المناعيـر كنـي ابهـا السفـره امـودا اجبـاري=العـب وقلبـي فيـه مثـل السواعيـر مـا يستريـح اللـي ابقلبـه طـواري=كـد قالهـا راعـي المثـل بالتذكيـر نـاس ايحطـون الدراهـم مـصـاري=يا طيبهم لـي جـا حسـاب الدنانيـر شفـي هنـوف مـا لحقهـا مـزاري=ومطهره عن درب الاجنـاس تطهيـر للشاعر شبيب جعيلان الدقباسي الرشيدي
|
|
|
|
|
يتصفح الموضوع حالياً : 1 (0 عضو و 1 ضيف) | |
|
|
مواضيع مشابهة | ||||
الموضوع | الكاتب | القسم | الردود | آخر مشاركة |
افراح ابن جعيلان | الدعوه عامه | منتدى مناسبات وافراح القبيله | 2 | 08-01-2012 01:58 PM |
شبيب بن جعيلان الدغباسي و الديش | سامي الذيابي | منتدى الشـــعــــر | 6 | 03-05-2009 01:11 PM |
قصيده مرسله لشبيب جعيلان | فهد المويسه | قسم قصص وتاريخ القبائل العربيه | 17 | 01-08-2008 04:32 PM |
أصبحت كل أمنيـاتي سراب ؟!! | المغرم اليائس | المنتدى الأدبــــــــــــي | 8 | 30-10-2007 01:52 PM |
يا بو سعود / ل شبيب جعيلان | فهد المويسه | قسم قصص وتاريخ القبائل العربيه | 34 | 04-08-2007 06:51 PM |