[سبيشل]

السلام عليكم ورحمة الله وبركاته

أسعد الله أوقاتكم أكتب قصيدة

الشاعر الاعلامي
صالح الرشيدي

واللتي القاها في الحفل المقام للمهندس مبارك الدويله واللذي اقامه
الشيخ صلحان بن بدوي رئيس مركز المرموثه بضليع رشيد

يالله يامنشي االمزون المراديف
إللي مايفصل برقها من رعدها

يافارج الكربه مغيث الملاهيف
محيي رماريم الديار وهمدها

إني بجاهك من وجيه المزاهيف
وعيون شهبان الوجيه وحسدها

ومن وقفة تكثر علي التحاسيف
يالله لاترك النفوس لجهدها

وقفت والميقاف صعب التكاليف
كله من أجل اللي طوال سردها

ضلعان ابان العاليه شمخ النيف
الصم لاكنًا العروق بجسدها

فيها ركزنا الباسقات المواريف
وفيها قبورالمعتدين ولحدها

وفيها صلافتنا بوجيه المصاليف
كبد تداويها وكبد لهدها

من دونها نصفق كما يصفق السيف
في جزر موجات البحور ومددها

عاداتنا يوم اصطفاق المواقيف
ليا شبت النيران زدنا وقدها

ماهي علوم ملبسين السواليف
ياحليل من دور لها ماوجدها

والشاعر اللي مايجيد المحاريف
لايشغل العالم ويكثر نكدها

ليا صار ماتبرى طروقه غطاريف
يقتات من حمر النعم ويحمدها

ندر بنات الفكر ماهي معاسيف
من لايحل شطانها ماعقدها

واليوم جاتك يالدويله على الكيف
كل شعواء ماتلحق الزور يدها

بنات ريمان البكار المشاعيف
تلحق مداها ماتقطع زبدها

عوب وانا بمصافق العوب حريف
أقصر دوايرها وازود عندها

جل ليا برقت ضمر سراجيف
مجلله ومكمله في عددها

كله من أجل الضيف ومعزب الضيف
جاتك على وقت الطلب في وعدها

حييت يامعروف من دون تعريف
عند القبيله بين ساير بددها

يضاف لك مع واجب الضيف ماضيف
قدر الرجال اللي تقدر عمدها

قدرك لدى ربعك تعدى التواصيف
لأن العرب تعرف مكانة سندها

والناس فيما يدركونه عواريف
ومن حاف عذبات المشارب وردها

ومابين شمخ عاليات المشاريف
ضلعان ابان الثابته في بلدها

وادي الرمه عانه يقب الزعانيف
من فرعة الحره ومجرى قهدها

من دار ابن براك حرز المواجيف
راعي البويضا اللي ترتع وحدها

ترعى نبات الوسم وترودم الصيف
ماتستذار ولايذيًر ولدها

هامة شيوخ مفرقين المواليف
من قبل توحيد البلاد وبعدها

ماجاته الشيخه بختم وتعاريف
كسًابها يوم ان غيره فقدها

هو رمزنا يوم السنين المعاجيف
ماهو ترف طيب الحياة ورغدها

..................................
وسلامتكم
وصح لسان الشاعر صالح الرشيدي
وتقبلو تحيات اخوكم
سبيشل

الموضوع الأصلي: راعي البويضاء اللي ترتع وحدها | | الكاتب: سبيشل | | المصدر: شبكة بني عبس

[البعيد الهادي]

صح الساان الشااعر/ صالح الرشيدي
على هذه المفردات الجزله
واحسنت النقل ياااسبيشل
ودمت بحفظ الله

[سبيشل]

اهلا بك اخي القريب الهادي

صح بدنك

ومشكور على مرورك العطر

[فلاح القعبوبي]

صح لسان الشاعر صالح الرشيدي

وقصيدة جزله من شاعر جزل

مشكوورر اخوي سبيشل على النقل

[رادوي العبسي]

مشكور والله يعافيــــــــــــــــــــــــــــــــــــك

[سبيشل]

صح بدنك

اخي فلاح القعبوبي

لاهنت على المرور

[كاتب الرشيدي]

أولاً نرحب بك بين اخوانك ونتمنا لك التوفيق

ونشكرك على نقل هذه القصيدة الجزلة
من شاعر جزل

واسمح لي بنقلها لمكانها المناسب ( عيون الشعر )

[سبيشل]

العفو ومشكور على المرور رادوي