[برق الشمال]

قصيدة نادرة لشاعر عازمي قديم يمدح أمير من بني رشيد , قصيدة تعتبرغريبة يستحيل حفظها بسرعة لماحوته من ألفاظ نادرة التداول في زمننا هذا. وهي للشاعر الكبير سالم بن مشحن العازمي يمدح بها الأمير أبراهيم ابن غثي الخياري الرشيدي ....
بديت جبـار العظـام الكسيـرة
مظهر سفينة نوح من جم فايـر
وكتب لأبوحباس نار الذخيـرة
مثل النداوي بالهضاب العسايـر
انت الأمير اللي فعولـك كبيـرة
ياأمير يامزاعم شيوخ العشايـر
أنته مقر العرف ونتـه خبيـره
وأنت الوفي ونته حزين الضماير
وأنته والد بالضيف حام الخويره
يوم عتقاب الملح مثل الصهايـر
يوم السياهي (1) مايثبت منيره
محارجه عند النفوس الخطايـر
ياشوق من قرنه تعـدا ضميـره
بنت الشيوخ متيهيـن العشايـر
فيك النقاء ياأميـر ماتستعيـره
أعطاك من يعط الحليم البصاير
يامحاضين قدم النشاماء السعيرة
قدام بيضن كبر روس الزبايـر
من الكبيره للوسـط للصغيـره
تقول منهن ياخـذون العطايـر
لجاهن المضرم تبتهج نضيـره
امراكيات وفيهن اللبـن حايـر
وخلافهن نجرن يقارب هديـره
صوت ملح صكت عليه العشاير
اللي منك ياأمير ماريـد غيـره
شي بسيط من البحور الغزايـر

-----
(1)- السياهي :فارس قديم يضرب به المثل .

الموضوع الأصلي: قصيدة نادرة/ لشاعر عازمي يمدح أمير رشيدي | | الكاتب: برق الشمال | | المصدر: شبكة بني عبس

[سالم الرشيدي]

صح السانه واعتلا شانه
يستاهل الامير ابراهيم ابن غثي المدح
ومشكور على نقلها لنا

[عطرالوفاء]

صح لسان شاعرنا

ويستاهل المدح بن غثي المدح ولاهي غريبه على بني رشيد الطيب والشجاعه

[مشوح القعبوبي]

كبيروافي بن مشحن والمدوح يستاهل

[طلال محمد ناهس]

صح لسان شاعرها

ويستاهل المدح بن غثي المدح ولاهي غريبه على بني رشيد الطيب والشجاعه

[شاعر وصادق مشاعر]

مشكور على نقل القصيده
ويستاهل ابو حباس الله يرحمه

[ناصر الخياري]

تسلم يابرق الشمال .
الله يرحم الامير ابراهيم بن غثي الرشيدي ..
مواقفه مشهوره ابو حباس ...

[ابو ريماس33]

الأمير أبراهيم ابن غثي الخياري الرشيدي

فخر للقبيله ولا هي غريبه على عموووووم القبيله