|
خيارات الموضوع |
|
والله كلام الاساتذه صحيح بنسبه 100% , بس الواحد شنو يسوي؟ القبايل قاعد تتعنصر على راسه فاذا سكت اكلته القبايل فما يسلم الا اذا صار عنصري( بس ترى هذا ليس عذر كافي) ,
وفي نقطه نسوها الاساتذه او اهملوها وهي السبب الرئيسي لزياده العنصريه القبليه اللي هي الانتخابات ( الانتخابات عندنا بالكويت اكثر من المملكه لذلك اهمل الاساتذه ذكر هالنقطه) الانتخابات بالكويت عصفت بالوحده الوطنيه بشكل رهيب وخصوصا بالفتره الاخيره ( تقريبا اخر عشرة سنوات) قبل هالفتره ما كنا نعرف شنو القبايل (اللي يقول لك اصله و فخذه هذا فلته زمانه) ( حتى ان البعض تساله شنو اصلك؟ اللي يقولك اصلي كويتي واللي يقول لك امي وابوي ما قالوا لي) كنا نمشي مع بعض من كل الاصول سمن على عسل , بس اعوذ بالله بعد هالانخابات فرقتنا , كل يوم في انتخابات جمعيه تعاونيه انتخابات الجامعات واتخابات المعاهد التطبيقيه وانتخابات مجلس الامه والمجلس البلدي وانتخابات النقابات الخ.... تخيل عشان تدخل انتخابات الجامعه لازم انك تنتمي لقبيله عدد افرادها كثير بالجامعه , وتكون انت الوحيد من هالقبيله اللي تنزل هالسنه ولازم تكلم قبيلتك ان محد من قبيلتك ينزل بالقائمه المنافسه لقائمتك حتى لا تفترق الاصوات ( يعني لازم تسوي انتخابات فرعيه) وقديما ما كان في انتخابات فرعيه لطلبه الجامعه والمعاهد ومن ثم تطور الامر صارت انتخابات فرعيه سريه الان فعينك عينك اعلانات بالشوارع وبالصحف المحليه عن انتخابات فرعيه للقبائل بصالات افراح ( على عينك يا تاجر ) وبحضور اعيان القبيله واعضاء مجلس الامه المنتمين لنفس القبيله مثال اخر لما تكون انتخابات مجلس امه ويكون المرشحين واحد من نفس قبيلتك ( لنفرض انه عضو نصاب وما يخاف الله ومرتشي) والمرشح الاخر يكون من القبيله المنافسه( لنفرض انه محترم وراعي واجب وملتزم ومثقف وقام بخدمتك) , بالبدايه تحتار منو تصوت له (لان الصوت امانه وستحاسب عليه يوم القيامه وتعيش بصراع نفسي بينك وبين ضميرك) فالبعض بوقت التصويت تجيه حميه قويه ويصوت لولد عمه والبعض الاخر مشى مع ضميره وصوت للعضو المنافس لقبيلته ولما يفوز العضو المنافس لقبيلتك تسمع كلام من ابناء القبيله المنافسه اللي يقول لك كسرناكم واللي يقول اخذنا كراسيكم ومن هالكلام فتندم انك صوت له خلاصه الكلام انا اتفق مع من حرم الديمقراطيه وانتخابات مجلس الامه ( على ما اعتقد ان الشيخ الالباني حرمها) لان لو كنت عضو مجلس امه فلن تستطيع ان تصلح مهما فعلت حتى لو كان عدد اعضاء الامه الشرفاء اكثر من المفسدين بل لان ليس منها فائده بل مضره وتدعو الى التحزب , والاحزاب خراب البلاد والعباد لانها تفرق المسلمين واكبر دليل العنصريه القبليه كل هذا وما تبون العنصريه تزيد !!!!!!!!!!! نحن نتمنى العنصريه اللي تدعو الى الخير من زياره الارحام والوقوف مع المحتاجين والدفاع عن الضعفاء وغيرها كثير والله يغفر لنا ويسامحنا من العنصريه العفنه ويشفينا منها قولوا امين |
|
وكفا الله بلادنا شر انزاعات القبليه
اصحيح أن انعرات القبليه موجوده وتتكاثر وهناك من يؤيدلها في بعض الوزارات الحكوميه للأسف وهذا يدل على العداء المبيت لهذه الدوله أمثال المؤيدين لسفيه عميل ابريطانيا وغيره أما المهرجانات القبليه واظهار الموروث القبلي فهذا من حق كل قبيله في نظري والمزاينات المفروض توقف ويكتفا بلمزاين السنوي بام ارقيبه وفي الختام أسال الله العظيم رب العرش العظيم ان يحفظ بلاد الحرمين وقيادتها الحكيمه ويسلط على الحاقدين واشكرك على نقل هذا الموضوع الذي يستحق النقاش
|
يتصفح الموضوع حالياً : 1 (0 عضو و 1 ضيف) | |
|
|
مواضيع مشابهة | ||||
الموضوع | الكاتب | القسم | الردود | آخر مشاركة |
أكاديمي سعودي في بريدة يطالب بإدارج "العوانس" ضمن فئات ذوي الاحتياجات الخاصة | أنفاس الفجر | المنتدى الإعلامــــي | 3 | 19-11-2011 06:26 PM |
أكاديمي سعودي يطالب بإعادة النظر في وقت صلاة الاستسقاء وأيامها | ابوفادي | المنتدى الإعلامــــي | 1 | 24-02-2010 09:13 AM |
يسبب خطراً على الماره ----- أهالي انبوان يطالبون بنقل عمود كهرباء من وسط شارع رئيسي | محمد2009 | المنتدى الإعلامــــي | 4 | 22-02-2010 01:19 PM |
أكاديمي سعودي يقترح تغيير مواعيد الدوام الحكومي منعا لتعارضه مع أوقات الصلاة | عبسي من الفرن | المنتدى العــــــــــــــــام | 2 | 17-05-2008 02:07 PM |
بني رشيد تنظم ملتقى حب الوطن ومكافحة الإرهاب وتكرم شيوخها | غالب الزبــنــي | منتدى اخــبار القبيلــة | 5 | 05-02-2008 12:29 AM |