[العالم الفلكي]

بسم الله الرحمن الرحيم

السلام عليكم ورحمة الله وبركاته

هذه المحاورة بين الشاعر العمده ناصر خنيفر والشاعر ابوعوجه

ناصر خنيفر

ابو عوجه سامعنه من مصفرت الضحاوي=قاعدوه من الوظيفه ونجضع عند الحليله
ناحل ٍ جسمه وعظمه مايشيل الجسم ثاوي=السنين الجرد من مست عظامه عزتيله

ابوعوجه

ابك انا ماني خويك ياشليويح العطـاوي=اشهدنك ضايعٍ من بين يوم وبين ليله
اسر ليلك اسر ليلك وترك اعلوم الحجاوي=لاتحداني ثم الشب النار في راس الفتيله

ناصر خنيفر

والله اني ماتجاهل راعي البشت الحسـاوي=عارفن نهجه وزوله لو دخل مع كل زيله
خيا لليل ريس الاحزاب باليـوم القسـاوي=والله اني غير اسجه لين نعرف وش حصيله

ابوعوجه

العماوي دايم ٍ يعيـش بالدنيـا عمـاوي=لو يشوف الضلع بعيونه يحسبنه نثيله
ياكبير السن راسك شاب من كثر العزاوي=وانت ماتقدر تشيل الحمل لو قلت الك شيله

ناصر خنيفر

شوفنا سالم وعرف مراوغت ذيب الشواوي==مايمشيها مغفل دام انا خصم وقبيله
الكبر ماعيب شيوخـن يفكـون الجـلاوي=ولاذكر بالكبر عيب احذر تسويها وسيله

ابوعوجه

علمنا وصلك لكن أمرك يابو تركي سماوي=كان ماعندك دعاوي قول لي وش تدعيله
الكبر خلاك ماتعرف الفقير امـن الغنـاوي=ماتروح بعيد وانت اللي مضى رجلٍ دليله

ناصر خنيفر

علمكم مايقنع اللي باغن العلم الشفـاوي=كل يوم وكل ليله نازللك بتحويله
نوب بحدود اليمن ومرار عندي بالصداوي=وبتلشنا بالزميل اللي ماينصح مع زميله

ابوعوجه

ابو عوجه ماتغير ونشد الحـر النـداوي=وانت عودٍ منتهي نفعه ومقفي في مديله
العلا معاش فيه الا ابن عمك والعـلاوي=ياعميلٍ مختلف وضعه وظنه مع عميله

ناصر خنيفر

ناشده قبل امس عنك وقاللي صح الهقاوي=ابوعوجه هو زعيم الحزب خيال الكحيله
لو تلف ولو تلاوي لو تلف ولو تـلاوي=ظننا صايب وخل علومنا دايم جزيله

ابوعوجه

احسبنـك تستحـي وثـرك مــا وجـهـك حـيـاوي=تدعي بزور والبهتان يالله العقيله
انـت ضلـع ٍ مرتكـز والنجـم فوقـك جـاك هـاوي=والله اني غير لاسويك مع بطحى المسيله

ناصر خنيفر

جعلها في ذمتـك يامركـب الغيـر الخطـاوي=ياحليمه ليه عوتي عن علومن جميله
مانت نجم انته ازلمتن طحت بالارض امتساوي=كل ماقلنا تجنب مشكله جيت تعديله

ابوعوجه

ذمتـي منكـم بريـه يـا كثيريـن المنـاوي=ماتعيش اهل الخميله غير في وسط الخميله
الشيوخ اللي مـن أول تـارد العـد الرهـاوي=اخر الايام صارو من تحت كم الدويله

ناصر خنيفر

انـت تـروي لـك علـوم ٍ مـاروهـا كــل راوي=والخميله لاثعالب وانت من ضمن الفصيله
خبزتي ماحـدن وصلهـا ولاعلـي مـن الدعـاوي=والدويله قرم يعرف وش يروح وش يجيله

الموضوع الأصلي: ابوتركي + ابوعوجه | | الكاتب: العالم الفلكي | | المصدر: شبكة بني عبس

[ناصر خنيفر]

بيض الله وجهك يالعلم الفلكي على تنسيق هذه المحاوره الذي جرت بين رئس حزب النصر ورئس حزب العمده هههههههههههههههههه