[ثامر بني عبس]

السلام عليكم

هذي احدا قصائد الشاعر المبدع

ثامر شبيب الدقباسي

لحظه قبل لا تطلب البعد وتغيـب = وتنهي معايه مرحله مـن حياتـك
أخذ الهدايا والصـور والمكاتيـب = دامي خسرتك ما أبـي ذكرياتـك
يمكن يكون فراقنـا رأيٍ مصيـب = خيره .. كتبها الله جتنـي وجاتـك
مع اني ادري انت ماعنك تجنيـب = كنك موصيني وقاضـب وصاتـك
رح واترك بقلبي لك أربع معازيـب = معزتك طاريـك حبـك غلاتـك
وإن شفتني أجمع شتاتي .. ماهو عيب = باكر مع الأيـام تجمـع شتاتـك
وإن شفتني شايل جروحٍ معاطيـب = باكر يصير الجرح أبـرز صفاتك
أكبر مصيبه في زمـان العذاريـب = إنّي أحبك وأنـت حبك لذاتـك
الطيب لو إنـك تجازيـه بالطيـب = ماكان تالي الوقت هـذي سواتـك
يا صاحبي لا صرت أغلا الأصاحيب = لا تزعل بكيفك وتطلب رضاتـك
أنا حبيبك مبعد الشـوح مانيـب = من ضيّع جهاته .. يدور جهاتـك
إن كان ماعديـت روس المراقيـب = ماني كفو أصلاً أنـام فـي عباتـك
شفني مقدر عند عكف الأشانيـب = مانيب من تومي عليـه بعصاتـك
رح للفراق إللي تركنا مصاويـب = شمّت اعداتي قبل تشمّت أعداتـك
الله معك .. رح وين ماودك تغيـب = هذي حياتك .. وأنت حر بحياتـك

الموضوع الأصلي: هذي حياتك .. وأنـت حـر بحياتـك | | الكاتب: ثامر بني عبس | | المصدر: شبكة بني عبس

[ثامر بني عبس]

ارجو ان يعجبكم قصيدة ثامر شبيب الدقباسي

[حــزام]

بيض الله وجهك اخوي ثامر بني عبس
وصح لسان الشاعر الجزل ثامر شبيب
والقصيده جزلة وتثبت نفسها
واتمنى منك اخوي ثامر ان تهتم بتنسيق القصيده عن طريق المربع الذي في الاعلى والمكتوب عليه تنسيق قصيده شعريه
لكي يسهل قرائتها
واتمنى منك عدم تنزيل اكثر من قصيده في اليوم الواحد
ولاخلا ولاعدم

[ادري طيبتي غلطه]

مشكوووور اخوي ثامر على القصيده


وتقبل مروري

[صقر المشعلي]

بيض الله وجهك ثامر وتقبل تحياتي

[محمد الدغباسي]

مشكور اخوي ثامر على الذووووووووق الراقي

تقبل مروري

[رائد الذيابي]

رح للفراق إللـي تركنـا مصاويـب

شمّت اعداتي قبـل تشمّـت أعداتـك

يالله يالله

ابـــــــــــــــــــــــــــــــداع

[فهد المويسه]

قصيده رائعه

وتقبل سلامي