[البدر المهاجر]

تخطي علي


تخطي علي ... واستسمحك ... وترجاك
. . . . . . . . . . . . . ضعفي هـواك ... وفطنتك ماتخونـك
المشكـل إني كل ... ما جيت ابنسـاك
. . . . . . . . . . . . . فكرت نفسـي كيف ... ترتاح دونـك
وما ظن لا هـذا ... ولاذا ... ولاذاك
. . . . . . . . . . . . . واللي سمعت بذكـره ... يعوضونـك
تدري إني أعشق فيك شامل سجايـاك
. . . . . . . . . . . . . زينك وشينـك ... في قساك وليونـك
وإنـي متيـم فـي محاسـن محيـاك
. . . . . . . . . . . . . وتعرف على وشلون ... سلطة عيونك
تامر على من موقها الموت ... هـذاك
. . . . . . . . . . . . . وأطاوع أمره قبل ترمش ... حفونـك
رديت قلبـي عنك لاشك ... هو جـاك
. . . . . . . . . . . . . وجيتـك معه راضي بمقبـل طعونـك
ارجع واقول أهواك ... وأهواك وأهواك
. . . . . . . . . . . . . وبكفيـك اتعـذب ... ولكـن بهونـك
* * * * * * * *
جيت المكان
جيـت المكـان اللي بدا حبنـا فيـه
. . . . . . . . . . . . . وأمطـرت عيونـي بدمع الحنينـي
وشكيت له قسوتـك وإنكـار ما فيـه
. . . . . . . . . . . . . يوم العهـد ويديك تحضـن يدينـي
تعتب على معـذور بس الزعل ليـه
. . . . . . . . . . . . . وأنا اعتـرفت بغلطتـي لك بحينـي
لو قبـلك أحدٍ قال حبيـت قلت إيـه
. . . . . . . . . . . . . شف كيف حبك قادر يسـوي فينـي
هذا الدليـل السـاطع اللي لك أبديـه
. . . . . . . . . . . . . إنـك تحكـم القلـب حكـمٍ متينـي
إلـى متـى نـاوي فـؤادي تعنيـه
. . . . . . . . . . . . . تحرم عيونـي منك ياشـوف عينـي
عمري بلا قربك و شوفتـك ما أبيـه
. . . . . . . . . . . . . من دونـك الدنيـا مـلل يا ضنينـي
* * * * * * * *
كرهني بنفسك
كأنك على قـولك تمنـى لي الخيـر
. . . . . . . . . . . . . ساعدنـي أنسى حبـك اللي خذانـي
خلـى حياتـي تنقلـب كلـها غيـر
. . . . . . . . . . . . . وانسى الحبايـب والزمن والمكانـي
حبـي لك أبلـغ من كل الأساطيـر
. . . . . . . . . . . . . ما له بقامـوس الهوى وصف ثانـي
لا شك أنا أشعر بالنهاية وش تصـير
. . . . . . . . . . . . . واحسب حسـاب فراقنـا بالثوانـي
بينـي وبينـك واقـع الحال تحذيـر
. . . . . . . . . . . . . وعنـد المـوادع ما تفيـد الأمـاني
عند خبـر مثلـي بحكـم المقاديـر
. . . . . . . . . . . . . على هوانـا صـادر الحكـم ثـاني
كرهني بنفسـك ولو بذنـب صغيـر
. . . . . . . . . . . . . القى به اعـذاري واعـود لزمانـي
المشكل انه ما بـدى منـك تقصيـر
. . . . . . . . . . . . . وهـذا يـزود واقعـك فـي كيانـي
* * * * * * * *
منهو حبيبك
منـهو حبيبـك غايتـي بس أهنيـه
. . . . . . . . . . . . . على حسـن حظـه عشانـك حبيبـه
أنـا أشهـد إن الله يحبـه ومعطيـه
. . . . . . . . . . . . . اللي هـداك الـرب تصبـح نصيبـه
ياللي خذيـت من الحـلا كل ما فيـه
. . . . . . . . . . . . . ومن الطبـع كل الخصـال الحبيبـه
تسحر بهمساتـك عقـل من تحاكيـه
. . . . . . . . . . . . . مع خـف دم وملـح ما ينحكـي بـه
لك حق يوم تمـوق وتحـس بالتيـه
. . . . . . . . . . . . . الله وهبـك أوصـاف زيـنٍ غريبـه
قبلك و أنا بعض الجمـال ألتفت فيـه
. . . . . . . . . . . . . وعقبك ظهر في كل من شفت عيبـه


شكرا على حسن المتابعة

اخوكم
البدر المهاجر
____________

الموضوع الأصلي: أجمل قصائد من روائع ( سعود بن بندر ) اتمناء ان تنال اعجابكم | | الكاتب: البدر المهاجر | | المصدر: شبكة بني عبس

كأنك على قـولك تمنـى لي الخيـر . . . . . . . . . . . . . ساعدنـي أنسى حبـك اللي خذانـي خلـى حياتـي تنقلـب كلـها غيـر . . . . . . . . . . . . . وانسى الحبايـب والزمن والمكانـي

روعه


قصائد جميله لشاعر معروف


سلمت يداك على الابداع


تحياتي

[مرتاح الضمير]

ذووووق

رح جعل فالك السعد

هذا الكلام


صح عليك

[بدر الحشية]

قصائد جميله لشاعر معروف


سلمت يداك على الابداع


تحياتي

[دفء المشاعر]

تخطي علي ... واستسمحك ... وترجاك . . . . . . . . . . . . . ضعفي هـواك ... وفطنتك ماتخونـك المشكـل إني كل ... ما جيت ابنسـاك . . . . . . . . . . . . . فكرت نفسـي كيف ... ترتاح دونـك

اشكرك اخوي (( البدر المهاجر )) ااختيارك الموفق لبعض قصائد

الشاعر المبدع : سعود بن بندر


اتمنى لك مزيد من النجاح بإذن الله


ولكم أجمل تحيه
دفء المشاعر

[فهد المويسه]

الله يرحم شاعرها ومشكور على نقلها

[صاطي الرشيدي]

قصائد جميلة وصح لسان الشاعر سعود بن بندر ويعطيك العافية ياالبدر المهاجر واختيار موفق

[عبدالعزيز الخياري]

قصائد جميله واختيار اجمل اشكرك جزيل الشكر
والله يرحم شاعرها الامير سعود بندر

تقبل تحياتي