[علم شبكة عبس]

علم شبكة عبس

سلام رديه وطرقتنا على مله ودين=على الرجال اللي تعرف البينه والخافيه
يا مفسر الاحلام انا حلمان بان الدم طيبن=يمشي شوي اشوي بعروق الرجول الحافيه

مفسر الاحلام

يا مرحبا والله يعين الطيبين العارفين=اهل العقول الواعيه واهل القلوب الصافيه
علومكم ما هي علوم الصالحين المصلحين=مير انتبه واحذر من علومن تجيكم لافيه

علم شبكة عبس

اقلط على المقسوم والمعنا على سمن وسمين=اليا وصلك العلم جاوب والاجابه كافيه
اليا احرثت سكينها حديتها لام القرين=لكن يا زين السلامه وابشروا بالعافيه

مفسر الاحلام

اخذ العبر واعرف طريقك من يسار ومن يمين=وان كان عندك علم هاته والاجابه ضافيه
لا ضاقت الدنيا على الرجال حبل الله متين=علم رجال ٍ لا نفو ينفون ناسن نافيه

علم شبكة عبس

الحمدلله والفتاوي في رياض الصالحين=مابه خلاف اليا جهلت انشد عن العرافيه
اليا حداك الوقت يا رجال والخافي يبين=مطلق يحبونه ثبيت وحرب مع صيافيه

مفسر الاحلام

هذي قواعد ثابته عبر الليالي والسنين=الله يلهمك الصلاح امع الرجال الوافيه
هات العلوم اللي على خاطرك في بيتن ثمين=لكن بالله لا تجيبلنا العلوم الهافيه

علم شبكة عبس

لو مر خط الكحل بعيون الهبيله ما تزين=موترك خطه سيد واحد لا تروح اكتافيه
عشرين عام وزدتها مني على عشرة سنين=مريت دارك والمصيبه شفت نارك طافيه

مفسر الاحلام

الكحل زين وسنة المحبوب عمره ما يشين=لكن قص الجره اللي ما عليها سافيه
ما نستمع للحجه اللي ما عليها شاهدين=والنار تطفي يا علم عند الرجال الغافيه

علم شبكة عبس

من راح راح وشاكر الله سالمين وغانمين=دام السفينه بالبحر والعز بالمجدافيه
ان كان خابر شي يا مفسر ترانا خابرين=ياللي تحسب انك ليا من رحت ما تنشافيه

الموضوع الأصلي: محاورة علم شبكة عبس والشاعر مفسر الاحلام | | الكاتب: علم شبكة عبس | | المصدر: شبكة بني عبس

[مجرم زمانه]

محاوره ممتازه جداً
يامال العافيه

[مفسر الاحلام]

شكرا على التنسيق الجميل