[علم شبكة عبس]

السيف القاطع

مرحبا بالشاعر اللي ضيف لابس بشت غالي=وان نشدته عن حواله قال توي ضيف ديره
انت من راس الجبل ولا من الدعب الموالي=يا وسيع العرف قلي يا عسى عندك بصيره

علم شبكة عبس

البقا بالشاعر اللي عند ربعه عاش غالي=من غلاه اشوف هاك الضلع مليان ٍ ذخيره
صاحبك من جوف نار ٍ يونس المقرود صالي=مسلم ٍ وقت الجهاد يقود فرسان الجزيره

السيف القاطع

ما عليك قصور تسمع هرجة اكرام السبالي=في محل الطيب تلقى من يشير وتستشيره
ما خلق من نار غير ابليس يا صدر الشمالي=وانت الك نظره بعيده بالصغيره والكبيره

علم شبكة عبس

نظرتي والله بعيده عن كلام ابن الحلالي=ما بغيت اقول فيك الحسد ( يا رجال خيره )
ترجم الهرجه على كيفك ولا تقعد تلالي=ودك اطول العنب وشلون باليمنى القصيره

السيف القاطع

يا مفاتيح الرسايل لا بروق ولا خيالي=ولا بغيت اقول فيك الكذب ولا فيك غيره
تستفيد امن الكلام اللي يقال بكل حالي=يا تعابير القصيد اللي يسابقني عبيره

علم شبكة عبس

هاتو شعيل الجمل لو كان برجوله عقالي=تالي الايام يالجمال مزعجبني هديره
الله انه لا يعود السايق اللي ما يبالي=المطب دايم يخمه لو عرفناه بمطيره

السيف القاطع

الدروب مقفله وشعيل في روس الجبالي=لا يدير ولا يدار اصبح كما النفس الحقيره
اشرقت شمس التلاقي بالجواب وبالسؤالي=يا ثياب المرجله كل ٍ يبا يحاسب ضميره

علم شبكة عبس

انت ودك ترسم اللوحه على جو الخيالي=والا انا بنصحك حبك بالرحاه المستديره
الجناح اللي يزمك ما يوصلك العلالي=والحرار اللي تحوم اليوم هدتها خطيره

السيف القاطع

انت يالفنان ترسم مير ما من راس مالي=والنصيحه خلها للي يعكسون المسيره
ما نشدتك حضنا من فضل رب الكون عالي=يا حرارن ما تساوي حبة شعيره

علم شبكة عبس

سيفكم يا اصحابنا وش فيه صدته الليالي=ليت هاك السيف طول الوقت خامد في جفيره
ابتديت القاف يا رجال وافنيت المقالي=مير اشوفك زاعم ٍ بانك ختمة اليوم سيره

السيف القاطع

ضيفنا مدري علامه ما يبا يمشي عدالي=كل ما نركي عليه يهز راسه فوق زيره
ابتديت القافي واحكمت المواقف بالمثالي=وانت راجع في حروفك بالبدايه والاخيره

علم شبكة عبس

كان ودك تركب الهاف الحمر شيل الزوالي=واكنس البدي المغبر وافحص الهاف وسبيره
دوك علمي كان تفرق من حرام ومن حلالي=اخر الكلمه يسيره واول الكلمه عسيره

السيف القاطع

انت ماسك راس هامه وانت اعدك من عيالي=ما خسرت الا حلالي ضاع يا ربع الفقيره
ما يفيد اللي تقوله ما طرالك ما طرالي=نظرتي ماهي قريبه والمثل ما نستعيره

علم شبكة عبس

ليت هاك الذيب جاوبني على روس الجبالي=يا مصفي وش نسوي في مدوجت الظهيره
جبتلك علم ٍ يفك القيد في روس الحبالي=واليمن ماهو بلي والشام صابته المريره

السيف القاطع

لا تموه تحسب انك معتلي روس الطوالي=يا مصف المرح هذا من عرب ولا عشيره
الخبر من عندنا مصدر وله قدر ومجالي=يا مسرين الوسيمه ما سكنتوا في وعيره

الموضوع الأصلي: محاورة علم شبكة عبس مع الشاعر السيف القاطع | | الكاتب: علم شبكة عبس | | المصدر: شبكة بني عبس

[مجرم زمانه]

مبدعين بما تعنيه الكلمه
شكراً لكم

[بروفسور الشعر]

صح السان الجميع