[معيوف ابن زهيميل]

أيها الأعزاء مشاركتي هذا اليوم ،بهذه القصيدة،آملاً بعض استحسانكم:

على الدرب الطويل ..ولايح ٍ بالنايف المهجور=مجاهيم الهجوس اللي لها فوق الثراء حنه
تدارق في بعضها. كنها صيد الحمى المحضور=هجيج. ايشيْب راعيها وراها من ضما الكنه
تبارا بالفيد أليا ضرت خد المراء الممطور=ابيها مار حلمي صار حلم ابليس بالجنه
عليها البال مشغلني وأنا ماني بها مجبور=خواطر مايجيبنه على بالي يودنه
قطعت البيد بخيول الزعيم الضايق المذعور=حدا سرد الاصايل بالملاقا لين طاعنه
حنيت أرقابها حني الخبير لممسك الباكور=واسرت ارسانها بالوادي اللي ماتعدنه
أطالع بالصدير المنحدر مع ساقة المظهور=ورد عد الروى.بالقيض وانحى يابس ٍ شنه
وطى حافي على شوك الحزوم وشلف رؤس القور=شناظير ٍ حصاها لاتحرك صار له دنه
شكى ضيم الزمان وسيل الآوادم عليه احدور=تعزز للصديق اللي جراهيد العناء جنه
لقيت العلة اللي مالها عند البشر دكتور=ولالها علاج بالدنيا سوى القرآن والسنه
يشيب الطير الاسود ما سمع من طاح فيها.. الشور=هوا نفسه يسوقه لو عيونه مايقدنه
عسى ماني لهم شامت ولاكاشفْ لهم مستور=ولا لوم الشريف اللي ظروف الوقت حدنه
أخايل بارق المنشأ وخاطر ناظري مسرور=تناهبني مفاريق الدروب وتزعج الونه
كذا الايام بافكار البنادم تقتلب وتدور=يوراله بماوافق هواه وصدقه ظنه
يلام بحال وألا بحال لوما يعتذرمعذور=مايدرا عن مقابيل الليالي وش يجيبنه

معيوف ابن زهيميل

الموضوع الأصلي: مايدرا عن مقابيل الليالي وش يجيبنه | | الكاتب: معيوف ابن زهيميل | | المصدر: شبكة بني عبس

[العريض]

الله الله

لله درّك

الشاعر معيوف ابن زهيميل

اتشرف اني اول واحد يرد عليك

[كهل الصباء]

(على الدرب الطويل ..ولايح ٍ بالنايف المهجور=مجاهيم الهجوس اللي لها فوق الثراء حنه)
استخدام خاطيء للتصوير حيث حيث ان الهجوس لا يكون حنينها فوق الثرى فحنينها دائما يكون بالقلب أو بالبال.

(تدارق في بعضها. كنها صيد الحمى المحضور=هجيج. ايشيْب راعيها وراها من ضما الكنه
تبارا (بالفديد) أليا (ضربت) خد المراء الممطور=ابيها مار حلمي صار حلم ابليس بالجنه
عليها البال مشغلني وأنا ماني بها مجبور=خواطر مايجيبنه على بالي يودنه
قطعت البيد بخيول الزعيم الضايق المذعور=حدا سرد الاصايل بالملاقا لين طاعنه
حنيت أرقابها حني الخبير لممسك الباكور=واسرت ارسانها بالوادي اللي ماتعدنه
أطالع بالصدير المنحدر مع ساقة المظهور=ورد عد الروى.بالقيض وانحى يابس ٍ شنه
وطى حافي على شوك الحزوم وشلف رؤس القور=شناظير ٍ حصاها لاتحرك صار له دنه
شكى ضيم الزمان وسيل الآوادم عليه احدور=تعزز للصديق اللي جراهيد العناء جنه
لقيت العلة اللي مالها عند البشر دكتور=ولالها علاج بالدنيا سوى القرآن والسنه)
أبداع لم أسمع مثله الا القليل.
أعجبني تناسق الفكرة رغم الاستطرادات الداخلة في معظم الأبيات مما يشهد للشاعر على براعته في مثل هذه الأمور.
لله درك.

(يشيب الطير الاسود ما سمع من طاح فيها.. الشور=هوا نفسه يسوقه لو عيونه مايقدنه)
أخرجت هذا البيت عن سابقاته لملاحظة بسيطة فلو قلت عيونه يقدنه لكان المعنى أقوى.

(عسى ماني لهم شامت ولاكاشفْ لهم مستور=ولا لوم الشريف اللي ظروف الوقت حدنه
أخايل بارق المنشأ وخاطر ناظري مسرور=تناهبني مفاريق الدروب وتزعج الونه
كذا الايام بافكار البنادم تقتلب وتدور=يوراله بماوافق هواه وصدقه ظنه
يلام بحال وألا بحال لوما يعتذرمعذور=مايدرا عن مقابيل الليالي وش يجيبنه)

أشكرك من أعماق قلبي على هذه الأبيات.



ودمت بووووووود

[ابو براك الرياض]

الله لايهينك

[بنت النور]

قصيدة





رائعة



صح السانك

[ابو الياس]

الله لايهينك

[مرزوق العجوني]

صح لساااانك يامعيوف ولا هنت على الرائعه وتقبل مروري

[محمد بن شقاما]

كذا الايام بافكار البنادم تقتلب وتدور
يوراله بماوافق هواه وصدقه ظنه
يلام بحال وألا بحال لوما يعتذرمعذور
مايدرا عن مقابيل الليالي وش يجيبنه
(صح ا لسان شاعرنا وننتظر المزيد)