[سالم الزير]

السلام عليكم ورحمة الله وبركاته

عميد الشعراء الجحش

الكل يعرف الجحش وشاف قصائد الجحش الجحش سمعته اصبحت بكل مكان فوصل الى شعراء كبار مثل ناصر مرسال ومثل عبد الله الاشرم وهذا دليل على ان الجحش من فطاحلة الشعراء الجحوش ولذلك من تتوقعون يكون الجحش هل من ابنا القبيلة ام من خارج القبيلة وياليت تحطون رمعات لانه يعتبر لغز0

من الشعر الذي قيل بالجحش

اقتباس من مشاركة ناصر خنيفر ياجحشنا بعد ماخذت الزعامه= لاتخليها وتصبح رجل عادي لاتحول من عدامه في عدامه = تلفحك شمس الضحى عقب البرادي كثرت التدويج للعاقل ندامه= تضعفه لو هو من طيور الهدادي والرساله وصلتك ومسك زمامه= كان تبغا راي من رايه سدادي لا تزحزح عن رجاجيل الشهامه = ديرتن ماشفت انا مثله بلادي والنصيحه ماذكر فيها ملامه= وان عصيت ورحت كل الوضع عادي قول تم وطيع يامال السلامه= لاتهيم وتقتلب في كل وادي طيع شور اللي وراء الخمسين عامه = من شرور وخير هالدنيا استفادي

وكذلك

وهذي احد قصائد الجحش وهي ردية على العمده

اقتباس من مشاركة الجحش يامرحبا و عداد ماهل همال=وعد السحاب اللي تكاشف بروقه وعداد ماواد القهدربّع وسال=وعدادعبسيٍّ به اوده لنوقه بالصاحب اللي صحبته تشرح البال=الوافي اللي صاحبه مايبوقه ناصرخنيفرمن رياجيلٍ ابطال= ميقافهم كايدوصعبٍ لحوقه البارحه موج البحريصفق الجال= وللول والمرجان باسفل عموقه ونزلت له مع غبة البحرمنزال=والجؤمضلم والهبائب صفوقه وأقبلت ماليلي من اللولؤ شوال= اللول والمرجان والدرفوقه لعيون ابوتركي ذرى كل من قال = ناصيك يوم البيت ما لت شنوقه والا الردي ماله مع الطيب مدخال= ماغيريتدرق وتكثردروقه ولا ابوتركي لأ ثقل الحمل شيّال= الله يسمّح طرقته لايعوقه ياناصرالعالم بها الوان وأشكال= ماكل رجلٍ مايشوقك يشوقه بعض الرجال يجيك في سمح الاقبال = وأن جيت يمّه يختلف في نطوقه وبعض العرب سلمه مثل سلم الاطفال =ان مالقى 0 دمّه وقف في عروقه يخالف اهل الراي في كل مايقال= من شان يبرزبين برقى وروقه مسموم فكراعمى بصيره وبطّال=ابويمينٍ مثل يمنى السروقه اعاذنا الله من حيل كل محتال= اللي بوقت الجد رجله سبوقه واليوم ضلّ البوق ضافي وميال=تلقى رع البوق يتفاخرابوقه ومن لايقود الخيل شفناه خيال= حتى الحصان يصوّر العصرفوقه دنيا توريك المصائب ولاهوال =وماقل دل وزبدة الهرج ذوقه واليوم انا وياك في كل الاحوال =نفسي ونفسك بالطواري صدوقه نبعد عن اللي فالزمن مالهم فال= اطوال الا لسن ( والدقون محلوقه )

وله الكثير من المحاورات بمنتدى المحاورة

حطو رمعاتكم من تتوقعون يكون الجحش

الموضوع الأصلي: الجحش ينكشف اسمه هنا | | الكاتب: سالم الزير | | المصدر: شبكة بني عبس

[سعد الرشيدي]

الله اعلم

[رشيدي وكلي فخر]

شكله انا هههههههههههههههههههههههههههههه

[يحيى العويمري]

يعني كيف من يكون وش درانا احنا انت عطنا تلميحات يالغالي وانتضر رمعاتنا .
بس رمعه من فراغ مايصير مثلا انا اتوقع يكون نزار قباني هل يعقل خخخخخخ لا يالغالي نبي تلميحات هل هو عضو مسجل لدينا والجحش اسم ثاني له او هل هو من شعار القبيله المعروفين ... الخ

مشكور يالغالي

[خالد البغيلي]

الله وعلم\\\\\\ من قصيدتك ابين عليه مو رشيدي

[خالد البغيلي]

لا يكون انت ياسالم الزيرههههههههههههههههههههه ليش لا

[ابوباسل]

اتوقع يكون الجحش نفسه
هههههههههههههههه:eek: ;)

[رويبح رباح العويمري]

100%100رشيدي وامه من خارج القبيله والله اعلم اعتبرها رمعه