[ماجدمحمدالمشعلي]

السلام عليكم يشرفني الانضمام اليكم
ومسائكم قهوه

القصيده اهداء لبني عبس


جديدتن من ريحته تفتح النفس
ماهي قديمه مابها طعم للّ هـ

محموستن من خيرة البن بالخمس
محماسها مايشتكي فيه عله

مضبوطتن من غير نجرن ولا لمس
يازين لونه لاتوارت بزله

مجهزينه من قبل تطلع الشمس
في دلتن تفرق عن الفين دله

حماسها ماهو غشيمن عن الحمس
يفرح الا من جوه ربعن عبلّه

ناصين بيته ماتقهوو من الامس
في بيت قرمن استظلو بظله

يبغون فنجالن عن النوم والعمس
متنومسين بشيخ كلن يدله

شيخن كريم الساس به عزة النفس
قصره على الضيفان ماغاب ظله


انا رشيدي من سلايل بني عبس
ربعي هل النوماس والطيب كله

اقولها وابصم على القول بالخمس
هرجن موكد والحقايق مدله

خذ القصيد الي عن الطيب ماحبس
اسمع صعيب القاف والبيت شله


جملة حياتي علمتني من الدرس
اصبر على مر الليالي وجله


والبعد مايبعد عزيزن عن النفس
كم واحد لو غاب ماغاب دله

القاسي
ماجد محمد المشعلي

الموضوع الأصلي: قصيدة القهوه اهداء لبني عبس | | الكاتب: ماجدمحمدالمشعلي | | المصدر: شبكة بني عبس

[الوآآفي]

اقتباس من مشاركة ماجدمحمدالمشعلي انا رشيدي من سلايل بني عبس ربعي هل النوماس والطيب كله اقولها وابصم على القول بالخمس هرجن موكد والحقايق مدله

صح لسانكـ وبيض الله وجهكـ
وحياكـ الله في منتداكـ
منتدى بني عبس

[الاميرة ساااره]

قصيدة وافيه ,,
ونعم فيك والله وصح بوحك ,,
وعساك على القوة :)

[كبرياء امراة]

صح لسانك

يعطيك العافية

[مرتاحه دومز]

قصصصيده راائعه
صح لسانك

[ماجدمحمدالمشعلي]

الاخ الوافي

صح بدنك والله يحييك ووجهك ابيض وشرفني ردك الجميل

[ماجدمحمدالمشعلي]

الاميره ساره بيض الله وجهك وصح بدنك ومشكوره على الاشاده

[ماجدمحمدالمشعلي]

كبرياء امراه صح بدنك والله يعافيك ومشكوره على الاشاده