[يوسف العجرمي]

الدمع ماطر والمناديل له قاع=والطرف ساهر ماتحلوى هجوعه
والحزن غيم وداخل الصدر قد ماع=والقلب من ناره تثنت ضلوعه
ناراً حطبها نفط وازنادها اشعاع=حريق ماتعرف نتايج وقوعه
والا السبب في خاطري مابعد ضاع=اعرف حريقي لا اشتعل ويش نوعه
اول سبب حب الغضي زين الاطباع=وهذا مريح وكل مافيه روعه
غير اني ان حبيت اجيك منصاع=وامشي بامر خلي واجي تحت طوعه
وثاني سبب يومه يجيد التلكاع= مرة يعشيني ومرات اجوعه
وثالث سبب بالحيل ماكان له داع=يومه وعدني ثم تاخر رجوعه
كنه يبوس ذراع ثم يلوي ذراع=لاجيت ابخضع يستبقني خضوعه
مااقول هو شاري ولا اقول بياع=لكن روحي في وصاله قنوعه
حبه سكن في وسط شباك الاضلاع=وقلبي على لاماه حنت ربوعه
لازل نصف الليل والخلق هجاع=واللي تهجد خاشعا ً في ركوعه
ياعزتي لي كن فالقلب قرقاع=ألين نور الصبح يقرب طلوعه
وياعزتي للقلب من كثرالاوجاع=كن بينه وبين السعادة قطوعه
قولوا له ان طول ترى حاجري واع=وعاف المنام وعذبنه دموعه
وقولوا له ان مغليه في غيبته جاع=ويونس من الفرقا ثمانين لوعه
ماغير اونس وحشتي بالتسكاع=مافيه شارع ماشكيت لشموعه
حتى الشجر من لوعتي صار جزاع=يبكي لهمي لين حنت جذوعه
يمزع معاليقي من البعد مزاع=وقلبي كوابيس المفارق تروعه

وسلامتكم

الموضوع الأصلي: الدمع ماطر ...! | | الكاتب: يوسف العجرمي | | المصدر: شبكة بني عبس

[يوسف العجرمي]

اردت التنبيه الى ان القصيدة المذكورة اعلاه هي من كلماتي وليست منقوله لانني اخطأت بمكان نشرها مع القصائد المنقولة ارجو من المشرف العزيز نقل مشاركتي الى قسمها الصحيح . ولكم جزيل الشكر والامتنان ..

[فهد المويسه]

صح لسانك

وقصيده رائعه

وتقبل سلامي

[يوسف العجرمي]

الأفاضل: راشد رباح وفهد المويسه
مع خالص الشكر والتقدير على الاطراء الجميل وهذ1 وسام يبقى على صدري من أعز ماامتلكت شاكر ومقدر من جديد .