[جمعان خلف]

تهنئية من القلب إلى المهندس فهد محمد البراك الرشيدي بمناسبة ترقيته إلى المرتبة الحادية عشرة وإلى اخوانه الافاضل على راسهم العقيد خلف محمد البراك الرشيدي مدير أمن الطرق بمنطقة القصيم , منها إلى أعلا يابو محمد

باقة من الورد الطبيعي هـــدية

جلست مالي مع هل الشعر نيه = في مجلسٍ دايم ادلاله ملايا
قالوا تفضل دلةٍ شاذليه = وعطنا علومك يابعيد النحايا
ودارت سوالفنا بنفسٍ رضيه = وسمعت من حرّك شعور وخفايا
ورحّبت ترحيب الخوي في خويه= نوّر خيالي ثم نوّر سمايا
وجمعت ورد الفكر في مزهريه = عسى اتجمل في فهد ياعسايا
باقه من الورد الطبيعي هديه = مني على من يستحق الهدايا
عنوانها حب وسلام وتحيه = ومضمونها الفرحه وصدق النوايا
فيها من اليشموم نفحه زكيه = فواحةٍ بالتهنئية والتحايا
ترجمتها بحروفي الابجديه = وتميزت عن غيرها في مزايا
في صدقها مع قوة الشاعريه = صورة وفا عكس الصور والمرايا
قدمتها للي عزومه قويه = هديةٍ ماطلب وراها عطايا
فهد محمد مابه احدٍ حليه = إلا على جده فعول وحلايا
جده خلف يارد حياض المنيه = عقيد قوم ويتبعونه سرايا
يوم إنها بالسيف والبندقيه = ومبارز الفرسان وأهل الحمايا
وأبوه من ساس الكرم والحميه = له فزعةٍ تبرد كبود الضمايا
وخلف رحل مير الخلف في سميه = اللي اليا كبرت يحل القضايا
وأخوانه اللي كلهم صيرميه = شجعان من روس الرجال الدهايا
أهل الكرم والمده الحاتميه = يفرح بهم ظيفٍ ركابه حفايا
قلت الصحيح اللي لزومٍ عليه = ولاحدٍ جبرني برتكاب الخطايا
ومني لكم حب وسلام وتحيه = والتهنيات الصادقه والتحايا
وتمت بذكر الله محمد نبيه = رسولنا قدوة جميع البرايا

تحياتي لكم جميعا
جمعان خلف الرشيدي

الموضوع الأصلي: باقة من الورد الطبيعي هديه إلى المهندس / فهد محمد الرشيدي | | الكاتب: جمعان خلف | | المصدر: شبكة بني عبس

[سعد محمد]

ورحّبت ترحيب الخوي في خويه=نوّر خيالـي ثـم نـوّر سمايـا

صح لسانك

وبيض الله وجهك على هذا لابيات الجزله ويستاهل أخونا


المهندس // فهد بن محمد الرشيدي .
و العقيد// خلف محمد الرشيدي .

وشكرآلك يا مبدع . . .

[عادل العويمري]

صح لسانك يالشاعر جمعان

وبيض الله وجهك على هذا لابيات الجزله

ويستاهل أخونا
المهندس // فهد بن محمد الرشيدي .
والعقيد// خلف محمد الرشيدي .

[معلا المظيبري]

باقه من الورد الطبيعـي هديـه

مني على من يستحـق الهدايـا

عنوانها حـب وسـلام وتحيـه

ومضمونها الفرحه وصدق النوايا

درر قمة الابداع سجل اعجابي
ويستاهل أخونا
المهندس // فهد بن محمد الرشيدي .
والعقيد// خلف محمد الرشيدي

[برق الوسم]

شاعرنا الكبير / جمعان خلف
صح لسانك ... قصيده وافيه من وافي ... لاهنت ...
والف الف مبروك للمهندس / فهد بن محمد الرشيدي
الترقيه وعقبال المرتبه الممتازه ان شاءالله ..
..

[سعد بن عادي]

بيض الله وجهك يا جمعان وصح لسانك

والممدوح يستاهل

[عبيد دعيع القلادي]

وجمعت ورد الفكر في مزهريـه

عسى اتجمل في فهـد ياعسايـا

باقه من الورد الطبيعـي هديـه

مني على من يستحـق الهدايـا

عنوانها حـب وسـلام وتحيـه

ومضمونها الفرحه وصدق النوايا

فيها من اليشموم نفحـه زكيـه

فواحـةٍ بالتهنئيـة والتحـايـا

ترجمتهـا بحروفـي الابجديـه

وتميزت عن غيرها فـي مزايـا

[عبيد دعيع القلادي]

وجمعت ورد الفكر في مزهريـه=عسى اتجمل في فهـد ياعسايـا


باقه من الورد الطبيعـي هديـه=مني على من يستحـق الهدايـا


عنوانها حـب وسـلام وتحيـه=ومضمونها الفرحه وصدق النوايا


فيها من اليشموم نفحـه زكيـه=فواحـةٍ بالتهنئيـة والتحـايـا


ترجمتهـا بحروفـي الابجديـه=وتميزت عن غيرها فـي مزايـا

جمعان خلف

صح السانك وعتلا شانك

ويستاهل الممدوح المدح

وبيض الله وجهك على هاشامخه

تقبل تحياتي وتقديري