[زهو الايام]

أنا ما ابيك تسمعني وتجبر خاطري المكســور
ولــكن كنــت أبـي تبــقى معاي بكل حــالاتــي
تبي تــرحل عن أيامي ويجي غيري يعيش الدور
الا يا صاحبي صعبـة تعـــيش بـــغيــر لحظاتــي

من اللي يشبه دموعي وقلبه في سنيـنك نـور
ومن مثلـي أنـا قـــلي نـقــش بالـصبـر آهــاتي
حبيبي من العبث احلم وابني للغرام قصــور
وتجي في واقعـك لحــــظة وتهـــدم كل غايـــاتي

حبيبي ماقدرت أنسى وأنا لي في حياتك دور
أنا من علمـــك تعــشق وعشــــت الحب في ذاتي
تحريتك وعمري راح وكل اللي بقالي شعـور
أحاسيــسـي وتتعبــني تسولــف عـن حكــاياتي

بقالك حب في صدري ولو كان الوفى مهجور
فضــحني حـزني البـائــس وماغيـر قنــاعــاتي
مسافة بيني وبينك عواذل وألف باب وسور
وشـــباك مـن المــاضي ازوره في متــاهـاتي

أنا مـا أعاند ظروفي وأقول الغايب المعذور
ولكــن طــاري الفـرقى يـزود في مـعانــاتي
تفرقنا وتباعدنا وغدى فينا الزمان يجــور
حكـــايـا ما لها آخـر وحلـمي كـل غلــطاتي

سألت الكذب عن عذرك وأكيد انه شهد لك زور
عذرتــك كــان تجــرحني بشـكوى تشبه سكاتي
أنا ما أبيك تسمعني وتجبـر خاطري المكسـور
ولـكن كنـت أبي أبقـــى معـــاك بكل حالاتـي

:::: نـــــــواف الدخيـــــل ::::

الموضوع الأصلي: .•.°.•ஐ•i[♥ الخـــــاطـر المكســـــور ♥]i•ஐ.•.°.• | | الكاتب: زهو الايام | | المصدر: شبكة بني عبس

[خاتم الرشيدي]

يسلمووووووووووو
على انقل الرايع تقبلي مروري

[العريض]

نقل موفق يعطيك العافيه زهووووو

[البعيد الهادي]

تسلم على النقل الرائع والجميـــــــــــــــــــــــل

[صقربني عبس]

مشكور على النقل

[الـشـقـاوي]

اشكرك على النقل

[عبدالعزيزعلي]

صح اللسانك الشاعر نواف
قصيده روووعه واختيارك لها أروع

يعطيك العافيه زهو

ولاتحرميننا من روائعك

كل الود

[عاشق الصحراء]

زهو الايام

صح لسان الشاعر نواف

ومشكورة على النقل الرائع

تقبلي مروري