[سعد الشقل]

الحر النداوي

سلامن مع الشعار أله نهج قانون=وأثني على كل الحضور الكرامي
أنا جيت نجد وشفت ناسن يصلون=على غبشة القناص يوم العسامي

شاعر طرطنقي

هلا مرحبا ترحيب وابليس ملعـون=على العز والمعروف يابن الحشامي
وانا اقول هذا الوقت يالحر مجنون=تبلشنا يارجـال ابكثـر الاسامـي

الحر النداوي

نشوف الخريمة والقوانيص يرمون=ولا أدري حلال الرمي ولا حرامي
تدرهم ركايب والعرب دوم يدرون=ولاكن حوض العد دونه ضوامي

شاعر طرطنقي

يصيدون ولا جعلهم ما يصيدون=مالي شغل فيهم هذا معنى كلامي
ليا درهمت بالهون يالشيخ بالهون=قبل وقت ما ينفع عتاب وملامي

الحر النداوي

ولا ياصحيبي لا ترى البدو يردون=ينسنس عليك البرد والدم حامي
تحيزمت في بندق جديدة وسكتون=علشان ماناخذ بعير الخطامي

شاعر طرطنقي

ليا من بغو بالكسب يالحر يبطون=مدامي شديد وماقفي ما يضامـي
توكلت بسم الله والنصر مضمون=تجيه الكتايب يا قوي العظامـي

الحر النداوي

وانا أعدك اللي لابسن بشت بردون=يبيع الشداد ولا يبيع المسامي
نسيت القرب وأنته على القرب مامون=وتعصي على مطراش درب الغرامي

شاعر طرطنقي

تبلشت في رجال شايـب وملسـون=ولكن عليه اليـوم احلـى سلامـي
ابعرض عليك اليوم يا جعل ترضون=نكون لنا حزب ن يهجد الخصامـي

الحر النداوي

ليا شفتلي ضبن مكرتن بكرتون=احطه على مصدار درب الحرامي
من الفجر وانتم ماتبيعون تشرون=وانا أعطيك عند الناس بيض الحمامي

شاعر طرطنقي

ليا شفت لك ناس ن على الدرب يمشون=تجاهـل خطاهـم يارفيـع المقـامـي
ليا من عطوك النـاس لقمـه بماعـون=تقبـل وخلـك حـر قبـل الصدامـي

الحر النداوي

أنا حر يارجال والريع مرهون=بتاكل من البسباس وألا البشامي
ليا شفتلي ناسن من العد يروون=اباأقول طرطنقي يحب الحلامي

شاعر طرطنقي

تفوق عصى موسى على سحر فرعون=تشوف العجايب مثل ضربه سونامـي
مدامك طلعت اليـوم يالحـر مديـون=اطالبـك يارجـال حسـب النظامـي

الحر النداوي

أشوف المفالي كلها اظيون بظيون=وابشرف على المشراف وقت الزحامي
تراني عن الديان يارجل مصيون=تفقد قلاعيكم بيوم الظلامي

شاعر طرطنقي

تذكرنـي فـي عـود ن تركـا علـى شــون=على ما اعتقد تشبه رشيد الزلامي ؟
تقـول العـرب والـنـاس يالـحـر يــدرون=يقـولـون كـثـر الـطـق فــك اللحـامـي

الموضوع الأصلي: الحر النداوي × شاعر طرطنقي | | الكاتب: سعد الشقل | | المصدر: شبكة بني عبس

[ناصر الفلاح]

ليا شفتلي ضبـن مكرتـن بكرتـون

احطه على مصدار درب الحرامـي

بيض الله وجهك ع التنسيق

[الاكـحــل]

لاهنت على التنسيق يامشرفنا الرائع وصح لسلان الشعراء

تفوق عصى موسى على سحر فرعون..تشوف العجايب مثل ضربه سونامـي