[سعد الشقل]

شاعر فلسفه

طقت طبول المعركه فوقك ودحن القفـوش=والليله الليله على راسـك بـدى منقاشهـا
ياعارف ٍ درب المراجل في مداحمة الجيوش=الناس تفرق في فعول الزير عـن هباشهـا

بعيد الهقاوي

طقت طبول المعركه والعين في ظل الرموش=والبيضه ام العش شرهتها على هواشها
من يوم خاويت المهبل ياشويعر والدفوش=ونته تغني لك لحونن خايبن من ناشها

شاعر فلسفه

ان طعتني ياصاحبي بالقرب مني لاتهـوش=نارد مع وقت الشفق وانته تبـا مغباشهـا
اصيح بذنك صيحة ٍ من عقبها راسك يدوش=صيحه تغلك يارفيق الدرب داخـل جاشهـا

بعيد الهقاوي

يلي قنصة الصيد منته لاعلوج ولاعروش=انته مثل ناسن نعاملها على مطراشها
عطني علومك يارفيقي عقب جيشت الجحوش=والناس ماني لامكلفها ولا هماشها

شاعر فلسفه

لونك تراكض يافتى تركض كما ركض الوحوش=ماتحوش رزقه ماكتب ربـك اسـم محتاشهـا
الاعبك وانت الخجول اليوم على طرحه وكوش=واليا غفت عينك شوي أضعك وسط فراشهـا

بعيد الهقاوي

انا ليامني لزمتك صرت ياهيه امخروش=ياالقربه الي من شربها ماروى عطاشها
لابارك الله باالملوك الي يبيعون العروش=الي يجيبون البضاعه بينن اغشاشها

شاعر فلسفه

ملوكها صالوا وجالوا وانت توضع بالنعوش=وبضايعك ياما شروهـا ياولـد بقراشهـا
الله يلعن ٍ لقمة ٍ ماتسد جيعـان الكـروش=ماتغنى اللقمه اذا هي من لحـوم هشاشهـا

بعيد الهقاوي

ابلير ماشاخ العرب يصحابنا من غير بوش=له حكمتن على الضعوف ايقشها بقشاشها
حنا ترا نعطيك لقمه مير حذرى لاتدوش=وهل العشاش الله بلاها ياعرب بعشاشها

شاعر فلسفه

لقمتك نرجعها بفمك اليوم يا ام النقـوش=حنا نطب بحورها ونجيـب جـل قماشهـا
الحر له مخلب ويكثر فوق غاربك الخدوش=يالبومه الليله عليها حـط كبـل اكباشهـا

بعيد الهقاوي

اليا عثر حضك تسوي مثل نقال العفوش=اربشك وهل العرف انته ماتجيد ارباشها
الحر ماهو انت ورقد مع كثيرين النبوش=الي تنبش باالعضام الميته وهشاشها

الموضوع الأصلي: شاعر فلسفه × بعيد الهقاوي | | الكاتب: سعد الشقل | | المصدر: شبكة بني عبس

[المحيــــط]

بيض الله وجهك ياسعد ولاهنت وصح لسان الشاعرين

[ناصر الفلاح]

طقت طبول المعركه والعين في ظل الرموش

اشتعلت المحاورة