[جميل مساعد]

إليكم
جديدي
عسى أن يحوز على رضاكم ..
بدون مقدمات إليكم هذا النص ...

ترنم ياقصيدي وأرتجف هم القصيد اصغير = تجهم في بحور الشعر خذ حقك ومقسومك
تغنابك هجوس الود بعد الحلم والتفسير = تغنابك بعد ماشفت حزنه يشكر اغيومك
الا ياحبي الأول... الا ياحبي الأخير = الا ياقلبي اللي دايم (ن) مشتاق لعلومك
على شوفك حبيب الروح قلبي فزالك بيطير = على شان الغلا فز وتباشر فيك بقدومك
عشقتك والمحبه دايم (ن) تحكي لنا تصوير = عن اللي سارق(ن) قلبي وصرت اليوم محكومك
ولكن دارت الأيام شفت اللي بعد مايصير = تفاصيل الغلا عندي بعد ماطاحت انجومك
الا يافتنة العالم الايازمرة التشهير = تولع بك خفوق (ن) من كثر غلطاتك يلومك
طعنتيني خيانه والخيانه حكمها تعزير = على شاني وفي يومك ..على شاني وفي يومك
نويت أنك على الفرقى تحاول رحلة التهجير = وأنا طير الهوى عندي كفخ ماتصيبه اسهومك
وصرت بعينك الخرسا من الأرهاب والتفجير = بعد قولك عساني ياوليفي فدوة اهمومك
وكافي ياعيوني للسهر حسره على تجمير = وحال الحال منحوله تمنى بس لونومك
تنومس ياخفوق العز لامنه رحل مايضير = ولد عبسي وشق الثوب ماينفع على اهدومك
تواجهنا على كف القدر واللي طمع بك غير = تواجهنا على كفه وزار الخافق ارجومك
تحياتي مع أشواقي تقبلها عساك ابخير = تقبلها عساها من جفاها تكبر اعزومك..

....وسلامتكم ..

الموضوع الأصلي: ترنم ياقصيدي ... جديدي | | الكاتب: جميل مساعد | | المصدر: شبكة بني عبس

[جميل مساعد]

وين الناس؟؟؟؟

[عيسي الرشيدي]

صح لسانك وعلا الله شانك

[رائد الذيابي]

صح لسانك وعلا شانك
قصيده جزله من جزل

[مروان الرشيدي]

نويت أنك على الفرقى تحاول رحلة التهجير

وأنا طير الهوى عندي كفخ ماتصيبه اسهومك

.

.

صح لسااانك

[محمد الراشد]

وصرت بعينك بالخرسا من الارهاب والتفجير
بعد قولك عساني ياحبيبي فدوه همومك

جميل انت جميل بكل ماتحمله هذه الكلمه
تحياتي لك اولا
ولشعرك ثانيا"

[جميل مساعد]

اقتباس من مشاركة عيسي الرشيدي صح لسانك وعلا الله شانك

مشكور عيسى الرشيدي ولاهنت على مرورك ...

[جميل مساعد]

اقتباس من مشاركة فلسفة ذهن صح لسانك وعلا شانك قصيده جزله من جزل

مشكووووور فلسفة ذهن ولاهنت على مرورك الطيب ...