[سالم الرشيدي]

يـاقـايـلٍ تـكـفـى ... بتـكـفـى شقـيـنـا

يامـا لـجـل تكـفـى لقيـنـا المـضـرات

يـامـا لـجـل تـكـفـى نـزلـنـا ورقـيـنـا

ويامـا تجشمنـا الـدروب العسـيـرات

تكـفـى تــرى تـكـفـى دمـــارٍ علـيـنـا

تكفـى دمـار اهـل الكـرم والـمـروات

كـــم لـيـلـةٍ لـعـيـون تـكـفـى سـريـنـا

نسري لجل تكفى على غير مشهات

ويـامـا حملـنـا ارواحـنـا فــي يديـنـا

والـعـمـر مـايـاقـاه كـثــر الـمــدارات

وكــم غـالـيٍ لعـيـون تكـفـى عطيـنـا

نعطي ولانحسب حسـاب الخسـارات

وان قلـت تكفـى قلـت ابشـر وجيـنـا

نجـيـك لــو دونــك بـحـورٍ غـزيـرات

نـســوق لـجـلـك كـــل شـــيٍ ثـمـيـنـا

نجيـبـهـا بـالـمــال والا الـوجـاهــات

علـى البـلا نصـبـر إلــى مــن بليـنـا

نصبر علـى شيـل الحمـول الثقيـلات

لاتسـتـغـل الـحـلـم والـطـيــب فـيـنــا

الحـلـم لــه حــزه وللطـيـب حـــزات

باسبـابـهـا صــرنــا لــهــم كافـلـيـنـا

ولاجنـيـنـا الا الـزعــل والـغـرامــات

وكــم جـاهـلٍ لعـيـون تكـفـى نصيـنـا

وكبـرت بعيـن الجاهلـيـن التفـاهـات

الـجـهـل أعـيَــى كـــل طـــبٍ مكـيـنـا

من عصرادم لين عصر الحضـارات

اخـشــى علـيـكـم ســاعــةٍ تعـتـريـنـا

نسـرج بهـا خيـل الجهـل للجـهـالات

دام الــدواء جـهـلٍ عـلـى الجاهليـنـا

نجهل جهل اعوام في ظرف ساعات

نـجـهـل وحــنــا لـلـجـهـل كـارهـيـنـا

مضطر والمضطر يرقـى الصعيبـات

يالـلـي تـقـول الـحـزن خـيـم علـيـنـا

الحزن بعض احيان للنفـس ملهـات

احمد بن عبدالرحمن العريفي
(نديم المجره)

الموضوع الأصلي: ياقايلٍ تكفى بتكفى شقينا ... ياما لجل تكفى لقينا المضرات....... | | الكاتب: سالم الرشيدي | | المصدر: شبكة بني عبس

[احمد منيف]

هههههههه اي والله كم وآحد راح فيها

صح الله اخوي سالم
وتسلم يابعدي ع النقل

[جفاا]

يسسلموو على النقل خيو

[ابو عايض]

مبدع بمعنى الكلامه

[تعبت منك]

مشكوووووور والله يعطيك الف عافيه

[سالم الرشيدي]

ـأشكركم جزيل الشكر ع الحضــور
الذوووق
لاخ ــلا ولا ع ـدم,,,,