[ادري خذوكـ مني]

الـلـه من هــمن علــى خـاطـري داج

يرقى على سطح المعاليق ويـطـيـــح

يالـلــه يالـلي للمـــــشـاكـيـــل فـــراج

تزيل همن ســطح الــقلب تسطــــيـــح

وين الرفـيـق الـلي له الـيـوم مـحتاج

صاحب وفا ماهوب صاحب مصاليـــح

حط الـوفا والطـيب والـصـدق منهـاج

عـزيـز نـفـس ومـدهـلـن للـمـفـالـيـــح

مـــــلـيـت مـن دنـيــآ تعـــوج تعـــواج

وفيها سلوم الناس ضاعت مع الريـح

وابحرت بالتفكير في عرض الأمواج

واغوص في بحرٍ غدا بالـسـبـابـيـــــح

واشوفْ لي مدخـال له ألـف مخـراج

واشوفْ لي قــــــفـلن بليا مــفاتيـــــــح

واشوفْ لي مقدي ومخطـي وهــراج

واشوفْ لي هـجـنـن تقـافـت مراويـــــح

واشوفْ لي ظلمـا بها الضـي منـبـاج

ليـــــل ومــطــر واحــزان معهـا تـفـاريح

واشوفْ لي سيلن على الأرض هداج

والناس من حــوله عطـاشـا مقــاريـــــح

واشوفْ لي عـله لها طــــب وعــلاج

والجـرح فـوق الجـرح يـزيـد تـجــريـــــح

هاجوسه اللي حـط في القـلب مـدراج

ينزف عـزوم الفكـر بالصـوت ويـصـيـــــح

قـفـلـت معــــناهـا بضبـــه ومــــزلاج

واكــــــون المـعـنـى بصــــورة وتـلـمـيــــح

يالـلــه يامـنـزل تـبـارك والأبـــــراج

تـزيـل همــن سـطـح القـلــب تـســــــطـيــح

الموضوع الأصلي: الله من همن على خاطري داج | | الكاتب: ادري خذوكـ مني | | المصدر: شبكة بني عبس

[ابوتوتو]

الله يزيل همك

واشوفْ لي مدخـال له ألـف مخـراج

واشوفْ لي قــــــفـلن بليا مــفاتيـــــــح

وصح لساااانك

[راسبه بالحب]

صح السانك

ابيات مميزه

لاعدمنا نزف قلمك

[سعد محمد]

الله الله

كلمات جمييله

ومن اروع ماقرأت اليوم

صح لسان شاعرها

وسلم لنا أحساسك الجميل ,,,

[مرتاحه دومز]

طرح مميز
لاهنت ع النقل

[داخل الرشيدي]

مشكور ولاهنت على النقل

[جاك العبسي]

يعطيك العافيه على النقل