[عايض بن صالح]

بسم الله الرحمن الرحيم

الاخوة الاعزاء أسعد الله مساكم/صباحكم بالمسرات

أطرح بين أيديكم هذه القصيدة التي ألقيتها في حفلة الشيخ/ حمد محمد الرشيدي بمناسبة مبايعه القبيلة لملوك هذا الوطن الذي نفخر به

مرحبا ترحيبة في حلة عبسية= أبرك الايام هذا اليوم وابرك ساعة
من يتابعنا على المسموع والمرئية = ومن تعنى للمشاهد عندنا بالقاعة
من شيوخ ومن ضيوف ومن جموع الفية= مرحبا ترحيب صادق ماوراه طماعة
اجتمعناو بتديناها سنة هجرية = بالتسامح والتكاتف والولاء والطاعة
للملوك اللي بنوها دولة سعوديه = نعلن الهم من هذا المنبر بصدق الباعة
ومن مابايع مات موته جاهلية = قالها محمد رسول الله وحنا اتباعه
والله إنا مانبايع غيرهم قطعية = دام باقي طفل منهم لو على الرضاعه
ماعلينا من مقلبة العهد والنية = العباد اللي تعامل بالمكر وخداعه
العهد ماهو بلعبه طاق يا طاقيه = أو تجاره عند تاجرها وبيع بضاعة
العهود وداعة برقابنا ملوية = والوطن يابن الوطن تراه معك وداعه
والله إن مانخون عهودنا موليه= ميزة فينا لو الواحد يقص ذراعه
و الدليل أهل الفعول الشينه الوحشيه= مالنا في صفهم شاري ولا بياعه
مالهم من عندنا غير القفوش الحية = كم عدونا طاح منا ماتطيب اوجاعه
ماعلى رب العباد أن مانقول خفيه = والعباد اللي ماشافه يسمعه بسماعه
جعل من خان الوطن وأهل الوطن للحية= مرسله من ربها مستعجله فزاعه
نابها براس مثل ذبابة الجنبيه = تضرب الخاين من الهامه لحد كراعه
سمها مثل انتشار النار بالجمريه = لين يرعى من خلايا جمته ونخاعه
ينقطع معه البصر واحباله الصوتية = للخلايا النايمة والنامية قطاعة
لجل مايبقى لهم وسط البلد ذريه = نستريح من الفتن ورهابهم وصداعه
في وطن ماله شدي بالكره الارضية = فيه بيت الله أمان العالم المرتاعه
وفيه طيبه من حلاها تشبه المنقيه = تحتضن قبر الرسول ومسجده وتباعه
والملوك اللي يحكمون الوطن سنيه= حكمهم في شرع ربي حكم خوف وطاعه
من إله ماتخفاه أمورنا السريه = يرقبونه في جميع أحكامهم ووضاعه
طيب الله قبر أبوهم وارحم الله حيه =الملوك اللي على هدي النبي بتاعه
والتحايا لراعي الفكره حمد مثنيه = يستحق المدح رجال طويلا" باعه
عمدة أبناء عبس وسط المنطقة الشرقية= نعرف علومه ونعرف سيرته وطباعه
والتحية للجميع معطره مهديه =ابرك الايام هذا اليوم وابرك ساعه

الموضوع الأصلي: الحـــــــية العبـــــسيه !!!!!!!!!!!!!! | | الكاتب: عايض بن صالح | | المصدر: شبكة بني عبس

[عبدالعزيزعلي]

:
:
صح اللسانك ابوصالح
:
قصيده جزله وفي منتهى الروعه والجمال
:
يعطيك العافيه ولاهنت
:
تقديري
:
:
:

[ابو براك الرياض]

صح اللسانك ابوصالح

[بنت النور]

صح السانك



ابو صالح

[لايغرك زمانك]

صح اللسانك ابوصالح

يعطيك العافيه ولاهنت

[بنت العبسي]

.
:

شاعرنا الراائع

صح لسانكـ .. وبيض الله وجهكـ

كلمات فآآآئقة الروعة ويستاهلونها قادتنا ودولتنا

:
.

[ابو الياس]

صح اللسانك ابوصالح

[مرزوق العجوني]

صح لسااانك يابو صالح ولا هنت على الرائعه تقبل مروري