[المحيط الهادي]

أخواني الاعزاء في شبكة عبس الشامخة
أقدم إليكم هذه القصيدة المتواضعة والتي
قتلت في مهدها قبل أن ترى النور أي قبل
إنقضاء عمرها الأفتراضي والمقدر بليالي
قليلة ..

حشود المشاعر نظمت من دعوة الفكر .. أعتصام=في عالم الحرية اللي خصنا قانونها
بالله لحظة .. ( يارجال الامن ) والدنيا سلام= خلو صناديق القلوب تبوح في مكنونها
حنا نسميها كتايب نور في وجه الظلام = وأنتم ليا هالحين ماندري وش تسمونها
تاقف على أسوار العقول المبصرة في كل عام= والارض كورة والوعول تهزها بقرونها
اليا منعتوها تبي تضرب عن الماء والطعام= ( ومؤسسات المجتمع ) من عاد يصرف شونها
يا أهل الثلاث اللي عليهن تاج .. وحلي .. وزمام= وثياب خضر من جوانبها تجر ردونها
أنا وصلت آخر حدود الشوق وحدود الهيام= والقصة اللي ياوساع العرف ماتعرفونها :
الاولة .. مرت من عيوني مثل مر الكرام= مامرني فالبال طاري من قصيد لحونها
لين أستوت فوق الاسرة تحتها ريش النعام= وتظلها شجرة تمايل بالثمار غصونها
شجرة عظيمة .. فرعها شق السحايب والغمام= والاصل ثابت مثل ( حيدا ) ماتهز ركونها
وعضيت في ريع الندم من حسرتي راس البهام= وندبت نفسي بعد ماخابت جميع ضنونها
والثانية .. يوم أوردن الضاميات من الجهام= وقفت يوم أكثر صناديد العرب يطرونها
في موقف فيه الرخوم يصير مافيها عظام= وياكثر روس ماتجملها عظام متونها
أقدمت والوادي يلفه صمت .. ويحوفه عسام= أجزم على مافي ضميري والعلوم أصونها
رميت عن عيني لحاف الليل .. وجفون المنام=والصبر في قلبي مثل جمرة على غليونها
وأخذت منها ماخذته الريح من وبر السنام= وأنا من اللي نقصة المكيال مايرضونها
سيفي يفرق شمل ويوحد صفوف الانقسام= اللي يبيعون الردى مواقفه يشرونها
والثالثه .. عذرا ومقصورة على ذيك الخيام=مامسها صاحي عباد الله ولامجنونها
يادوبها طلة وفاح المسك وأنزاح الظلام= وثارت كوامن غيرة العاشق وجاء ن دونها
هذي ترا ماعاد فيها يامناديبي كلام = لو الذيابة من سطاوتها تحد سنونها
أن حرموها قلت : ماهي في قواميسي حرام= وأن حللوها قلت : في وسط الملا ياعونها
وأن زودوها قلت يا أهل المعرفة مسك الختام= ليلى تراها ماتريد الا هواء مجنونها

الموضوع الأصلي: حشود المشاعر .. | | الكاتب: المحيط الهادي | | المصدر: شبكة بني عبس

[العميل السري]

الله عليك ولله درك

الاوله خاب ضنك

والثانبه اخذت مقسومك

والثالثه بلا نظام والرابعه رايعه

باللي هيبه

صح اللسانك وكل المرور لك

[برق الوسم]

شاعرنا المحيط الهادي
صح لسانك ياعزيزي قصيده رائعه وجميله
... تحمل من المعاني الجميله الشي الكثير ...
سيره ذاتيه اوقصة حياتية تؤمن بالرمزيه وتكفر بالسطحيه تحمل (لغة الكبار)
ايمان كاتب النص بالرمزيه .. كأيماني بأن له من اسمه نصيب ..
صح لسااانك بلااايين
وتقبل خالص الود والتقدير

[ابوديما]

(المحيط العذب) صح الله لسانك
قصيده تستحق الوقوف امامها كثيراً !!!
اخي العذب انت تمتلك شاعريه فذه اتمنى ان لاتحرماً
من مايخط به قلمك المتميز دائماً



تقبل اجل التحايا

[كاتب الرشيدي]

اخي الشاعر المحيط الهادي

هادي وحركت الدرر
وابحرتنا بعذوبة
شواطئ الشعر

الله الله على

الجزاله
المفرطة

اقف لك تصفيق

واحترام

[صقر ابن عبس]

اخي الشاعر المحيط الهادي

هادي وحركت الدرر
وابحرتنا بعذوبة
شواطئ الشعر

الله الله على

الجزاله
المفرطة

اقف لك تصفيق

واحترام

لم اجد من الكلام ما اقوله الا هذاالكلام

[هـآوي]

مشاء الله قصيده متعوب عليها في غاية الروعه الجمال

اسجل اعجابي في هذي القصيده

[المحيط الهادي]

برق الوسم .. شكرا على الإطراء وشكرا
على التنسيق ..

أتمنى أن أرتقي دائما إلى ذائقتكم الرفيعة

شكرا مرة أخرى وتقبل تحياتي ..