[سالم الرشيدي]

عبدالله باتل الرشيدي البحر الميت
عالم من الابداع وعالم من التألق
تحس فى ابياته الصدق وقوة المعنى
شاعر صعد الى القمة وتربع عليها
ابتعد عن الاضواء
لم ينشر قصائده
ولم يتفاخر بها بالمجالس
يبحث اغلب الناس عن قصائده
ويحفظ اغلب الناس ابياته
انه الابداع
انه البحر النابض بالعطاء
اليكم احبتى هذه االقصائد لهذا البحر واسف للاطالة..

ارجوك بعض المشاعـر لاتهزهزهـاترى المشاعـر تألـم عنـد راعيهـا

وترى النفوس العزاز الهـا حواجزهـاوحواجز النفس ستر (ن ) من خوافيهـا

لا تقول لك كلمة (ن) تحسبك تحرزهاوتطيح لاقمـت منهـا منـت قاويهـا

وان قلت لك كلمة (ن) حاول تركزهـاولا ترى الصمت خير (ن) من حكاويها

ودعواك لاصار مـا تقـدر تنجزهـاازبن على واحد (ن) ساعـه وينهيهـا

ولا تجود علـى صبـر (ن)يعجزهـاوتجيك في وسط بيتـك مـا تناديهـا

وكم واحد(ن) حاجتها بالصدر يكنزهـامن قـل مـن يستمعلـه يـوم يبديهـا

يخشى مـن اللـي يهمزهـا يلمزهـايضحك بعض ناس لاكن ناس يبكيهـا

وشكواك لابن الردي حذر(ن) تعنزهـايفضحك وتروح فيها وانـت كاميهـا

وعليـك تكبـر ولا تقـدر تميـزهـاوتضيع في طوشة(ن) تبلـش بتاليهـا

والسالفـه يقـدر الـواحـد يلفـزهـاويقدر على ناس مـن شكلـه يمشيهـا

ولاتشغلك حرمة(ن) منـت متجوزهـاتطرد وراها وغيـرك يهتنـي فيهـا

ولا يفرحك شوف الارنب لو تنقزهـامـادام مـا شفتهـا بالنـار شاويهـا

ولاتحسب (ن) الذهب باي يد(ن) يزهاترى الذهب مـا يغيـر لـون اياديهـا

والنفس حاول بحـد اقصـى تعززهـانفس(ن) بلا عزهـا مانـي مداريهـا

والنـاس لاتقـوم بعيونـك تخززهـااحمد على العافيـه واسلـك مماشيهـا

ومن طاوع النفس تشقيـه بغرايزهـاومن طاوع العقل يسلم مـن بلاويهـا

والمرجلـه ماتحـب اللـي يهاوزهـاتبي لهـا واحـد(ن) دايـم يحاضيهـا

واللي عيونـه مـع الظلمـا يغمزهـاماحد(ن) درى عن عيونه لـو يعنيهـا

ونفيستـك وانـت فانـي لاتغزغزهـاالمقبـره بأنتظـارك وانـت ناسيهـا

والنـاس دورات قادرهـا بعاجـزهـاماخلـق جنـه ونـار وزعـوا فيهـا

وناس(ن) مع الله وناس ابليس ناغزهاسبحان من ظل ناس ونـاس هاديهـا

وناس(ن) تعلـت وعلتهـا مراكزهـاوناس(ن) تبي الطيب مير الطيب فاحيها

وناس(ن) تحفز ومعروف(ن) تحفزهـاوناس(ن) تبي من يشيمهـا ويعطيهـا

وناس(ن) تلعوز وتسلم مـن تلعوزهـاوناس(ن) مع اللعوزه تبطـي لياليهـا

وناس(ن) تبي نبز ناس وناس تنبزهـانابز ومنبـوز ليـن المـوت يفنيهـا

وناس(ن)عجز رزقها يكمل عوايزهـالاهـي فقـارا وهـي مالله مغنيـهـا

حتى العجايز تبي نـاس(ن) تهمزهـاالعافيـه والظنـا مـاهـو مكفيـهـا

وان قمت اعاند تفاكيـري وابارزهـاصارت حجاوي وانا مانـي محجيهـا

الموضوع الأصلي: ديوان الشاعر / عبدالله باتل الرشيدي ..(البحر الميت) | | الكاتب: سالم الرشيدي | | المصدر: شبكة بني عبس

[سالم الرشيدي]

موت جــــــدي

حصلت ووصلت فيك من غير تفكيرلكن عساها يـوم حصلـت تعـدي

ولافيه عنها يوم حصلـت معاذيـرولافيه لو صديـت عنهـا مصـدي

قصه لهـا خطـه وشطـه وتأثيـرجميع شي بوقتهـا صـار ضـدي

ابا تحملهـا ولـو هـي مخاسيـرلو هد منها الحـال والحيـل هـدي

والنفس منهـا حاشرتهـا حواشيـرحاولـت اهديهـا وعيـت تهـدي

ياليت لي جنحـان يـارب واطيـرباي طريق(ن)عـن غثاهـا يـودي

عن وضعها تعجز قصايد وتعبيـراشـوي والا انبـاح للنـاس سـدي

جتني بلحظـه مابراسـي عياطيـرياقـو طعنتهـا وياقـو ضعـفـي

ان الله احيانـي تهـون المشاويـروان مت من تأثيرها مـوت جـدي

ياشينها لاجتك مـن غيـر تحذيـروانت متعشـي زيـن ولا متغـدي

[سالم الرشيدي]

هذه القصيد رد من الشاعر عبدالله باتل على الشاعر عيد بن مربح
اتمنى ان تعجبكم القصيده فهي من روائع هذا البحر
وتقبلوا خالص تحياتي

لاوهني النـاس تدلـه مـع النـاسوانا عجزت القى مع النـاس ناسـي

انـا هواجيسـي ليـادك الادمــاسعلـيً دكـن مـع دكـاك الدماسـي

ما مر يـوم الا وبالقلـب هوجـاسوالله مادري كيف ما شـاب راسـي

باسباب محبوب(ن) من البيض حساسماشفت مثله فـي جميـع الجناسـي

خل(ن) بني حبه بقلبي علـى سـاسورسى كما ترسـي جبـال رواسـي

اسمه بقلبـي كاتبـه بيـن الاقـواساربع حروف(ن) حطم(ن) قلب قاسي

ابو عيون(ن) كنها عيـون قرنـاسشاف ابرق الجنحان بيـن الهراسـي

لو مادرس بالمدرسه عدم الاجنـاسزينـه وعقلـه مستـواه الـدراسـي

غبت بحر من طب في وسطها انحاساوصاب عقله مـن هـواه انتكاسـي

حبه تحول تالـي الوقـت وسـواسلامدرك(ن) وصله ولانـي بناسـي

لو اقدر اصبر واقنع النفـس لابـاسلكن عجز عن مقصد النفـس باسـي

دخلت مستشفى الروابـع والاخمـاسوكتبتله في قلبـي اسـم(ن) خماسـي

واخذت انا ويـاه مـده بـلا ونـاسوقبـل حلـول اهمومهـا والمآسـي

واندارت ايام السعـاده بـلا تعـاسوكل(ن) شرب من مر فرقاه كاسـي

هو يحسبني طعـت عـاذل وبـلاسوان زماني صـار فيـه انعكاسـي

ومن بعد هذا حال من بيننـا اليـاسولازال حبه هـو بـلاي الاساسـي

[سالم الرشيدي]

قصـــة حـــــــــــــزين
هذه القصيده اعتقد البعض انه للشاعر الكبير عيد بن مربح واخرون نسبوها عن طريق الخطا للشاعر بندر بن سرور
لان هناك ابيات للشاعر (عيد بن مربح ) على نفس هذه القافيه
ومن ابيات عيد
اللي ضربني طراق طيف بنسى طراقه ****الله يلعن نوب تحسين الأخلاق
ولذلك حصل الخلط عند الكثير من الناس
فخلطوا قصيدة عبدالله بقصيدة عيد
احبتي لااطيل عليكم وتقبلوا خالص تحياتي ارجو ان تتأملوا في معانيها

سر يا قلم مالي على الصبـر طاقـهصبرً تعـدى الحـد ماعـاد ينطـاق

واكتـب لمثلـي قصتـه واشتياقـهفي خطك الواضح على بيض الاوراق

قصة حزيـنً صافـي المـر ذاقـهوليا ذكر ماصارله خاطـره ضـاق

باقوبـه الاصحـاب والوقـت باقـهاصبح ضحيـه بيـن بايـق وبـواق

يمشي وهو ماحس في كسـر ساقـهامسى على ساقين واصبح على سـاق

وهاذي اسوات الوقت شين اصطفاقـهالوقـت لـو يصفيلـك ايــام دراق

ان شان قطـع معـك كـل العلاقـهوان زان خلالك مع النـاس عشـاق

ومن شان معه الوقـت قلـو رفاقـهوراحت حياتـه كلهـا هـم واقـلاق

والله خلـق خلـقً تحـب اللبـاقـهكما خلق له خلـق ماعندهـا أخـلاق

احـد يعيـش بخيـر واحـد بفاقـهواحـد يعيـق ايـام وايـام ينعـاق

واحد معه حكمـه وصبـر ورواقـهسبحـان منهـو للمخلايـق خـلاق

لاكـن يامـن معـك عقـل وثاقـهابنصحـك كانـك للامثـال تشتـاق

لاتنخـدع باهـل العلـوم الرقـاقـهاللـي سوالفهـم تـوهـق تـوهـاق

صادق رجـالً يعرفـون الصداقـهيقفون صفك يوم يبسـات الاريـاق

من رغب في فرقاك فارغب افرقـهجاز الذي يجزيـك افـراق بفـراق

وتعلـم التعشيـق قـبـل السـواقـهلاتحسبنـك بالدرقـسـون ســواق

ورزقك يجيك بدون تحضـر بطاقـهوعنـد الله المعبـود تقسيـم الارزاق

يقولها اللـي جايـر الوقـت عاقـهولازال فـي غيبوبـة الهـم مافـاق

مـن انعزاقـه بــاديً بأنعـزاقـهواللي يوده صار شوفـه بالاشفـاق

ولاقال هـذا القـول قصـده طفاقـهماقال هذا غير مـن نـار الاشـواق

[سالم الرشيدي]

البارحه ليلي هموم وكوابيس

البارحـه ليلـي همـوم وكوابيـسوابعد من الجـوزاء علـي الوناسـه

ماغير انا والليـل والثالـث ابليـسكلن علـى الثانـي يبيلـه رياسـه

مدري ظروف او حب ولا هواجيسوالا الثلاثـه كلهـن فـوق راسـه

اون عقلي صايـرن فيـه تنكيـسوللعقل في بعض الامـور انتكاسـه

يا لايمي لاتلومنـي قبـل ماتقيـسوالـلـوم للمـيـس يزوّدبيـاسـه

والشمت طبـع للرجـال الهلابيـساهـل الهـدف والنمنمـه والبلاسـه

وانا معي عقل ومشاعر واحاسيـسوعيون واخـلاق وقلـب وشراسـه

لكن حصلي من زمانـي عواكيـسوعجزت هذا الوقت لا اعرف لناسه

هـذا يموهـا بـهـرج تمالـيـسوهـذا يتجاهلهـا عنـاد وخساسـه

وهذا يغـرك مظهـره بالملابيـسوهذاك يلبس لبـس ماهـو لباسـه

وهذا تذعذع لـه هبـوب النسانيـسوهـذا تقـل امغمغملـه بطـاسـه

واليا حصلك من زمانـك كعاميـساصبر وللصبـر الجميـل انعكاسـه

تدرسك دنياك مـن غيـر تدريـسماهو لـزوم انـك تـدرس دراسـه

وللناس بالدنيـا حظـوظ وقواميـساللي غرف بـدرام واللـي بكاسـه

وناسً تهجس في غثى الوقت تهجيسونـاسً تسايسهـا وتاتـي سياسـه

وناس تبي عرشً مثل عرش بلقيـسوناسً تبي لو يـوم فرقـا التعاسـه

وترى الردى لو فيك سوى نواميـسينقد علـى نفسـه ويرجـع لساسـه

والتيس مثل العنز كان انخصى التيسوالتيس ماهو تيـس لـولا التياسـه

قنعت واقنعنـي كتـاب الوساويـسلكن عقب ما صرف شيك الفلاسـه

[سالم الرشيدي]

وشلون اسوي فيه وشلون اسوي

وشلون اسوي فيه وشلون اسوياصحاب لكن كل واحد بجـوه

اغلي عليه ولادرى عن غلويوعياانفعالي لايزعـزع هـدوه

بس اتلوى من سواتـه تلـويوهو على بكـل لـون يتمـوه

وهو رهيب وفيه سحر يغـويوتوه صغير بزهرة العمر توه

والياتجاهلته عطانـي مقـويواليانويت ابعد غمزلي بضـوه

من ماه ابشرب واتروى ترويان الله اسقاني من اطراف نوه

[سالم الرشيدي]

عسى مايثور حضرة جنابه

أمسيت كنـي طايـرً بـات مقضـوب

وقت الغـروب الله مـن الجـو جابـه

في صحصحً خالي وفي طرّف أهضوب

شاف العشاء يلمـح وجوعـه رمابـه

ولحظه عرف نفسه بجربـوع منكـوب

صـادت مخاليبـه اسلـوكٍ تشـابـه

وكفخ بعد مااصبح على الأمر مغلـوب

يـوم اقبـل الشبـاك تلفـح اثيـابـه

وده يموت أو يدخـل الأرض ويـذوب

عينٍ بالأرض وعيـن تبغـا السحابـه

اوذيبٍ ارقب سمع لـه حنـة اذهـوب

ويديـه زلـت فيـه مـن راس لابـه

طاح وتعور وانكسـر فيـه عرقـوب

يبي الضلال وطـاح وسـط الشطابـه

ماعاد لـه رجعـه ونزلـه ولادروب

سمع الحسـاس وشـاف ظـل الذيابـه

مـن شـي لونـه مقـدر ومكـتـوب

فــي حــال لاوالله لامرحـبـابـه

هذي هي البلـوى وهـذا هـو النـوب

وهذا الـذي ماكنـت حاسـب احسابـه

راح بخبر كان وهـو فيـه عـذروب

بيـن النظـام وبيـن كيـد العصابـه

لكن اليـا فكـرت ماهـو بمغصـوب

خله عسى مايثـور حضـرت جنابـه

امـا يـدل الـدرب بعديـن ويتـوب

ويسـد عـن ريـح الغرابيـل بـابـه

او ياخذ الف احساب ويصير محسـوب

[سالم الرشيدي]

بعض العـــــــرب

بعض العرب ما ينعطي وجـه بالحيـل

وليا عطيته وجـه صـار لـك علـة

وبعض العرب ماله سنع لكنـه حليـل

بالضبـط كانـك لا تمعنـت ظـلـه

وبعض العرب شقرا و شقرا مع الخيـل

مـا ينفعـك لـولا الرمـوش المظلـه

و بعض العرب لا يعجبك ثرثرة ليـل

و باكـر تـرى مـا قالـك شـي لله

وبعض العرب مرسال مادري مريسيل

يسايـر العالـم و هـو حاصـل لـه

وبعض العرب يصلخ و ينفخ و هو ريل

و في زعمه انـه يفهـم الكـون كلـه

وبعض العرب ما غير بندق و دربيـل

و منين مـا هـب الهـوا جايـز لـه

وبعض العرب يطلع كما طلعة سهيـل

و يغيـب نجمـه قبـل دربـه تـدلـه

وبعض العرب يوذيك بالقـال والقيـل

تجلس معـه ساعـة ولاخـرى تملـه

نذل و خسيس يفصل الهـرج تفصيـل

و ليـا لقـا لــه طـيـب يستغـلـه

وبعض العرب منظر و كشخة وتحليـل

شبح بحـال و حالـه اخـرى كرلـه

لا شفت زوله مـن خيـار الرجاجيـل

و ليـا عرفتـه مـا تجيـه بمحـلـه

و بعض العرب ماضيه ليل على ليـل

كـذ بصمـوه وصــوروه الادلــه

وبعـض العـرب لا والله الا تهاويـل

مهمـا عقـدت الحبـل لازم يحـلـه

كـذ دربـوه و لكعـوه الرجاجـيـل

من قبل لا يصير الحـدث جاهـز لـه

وكانك شجاع صحيح حارب اسرائيـل

قبـل اليهـود الـقـدس لا تستحـلـه

وكلـش يهـون الا الثـلاث الغرابيـل