[عوادالشويلعي]

الــــــغـــــــــد يــــــــــر

هاضة هواجيس وهجوسن وقافن عسير

يصبح ويمسي ويفتح للهواجيس بــاب

اليا حضرهاجسي مالي مفر ومطير

يقفي ويقبل وهو مذهب حياتي ذهــاب

ادوج من قوا هاجوسي وجــر الزفـيـر

متا علي يمة القبله نشد الركـاب

للديرة الي لها قدرن بصدري كبير

ريحة هواها وشوفة نايفات الهظاب

لاصرت بين الغريسة والنخل والغدير

يرتاح بالي واخايل مرزمات السحاب

في ديرة اهل الكرم ومخضبين الجفير

اشناب من ساس عود ومن سلايل شناب

ربعي بني عبس واهل العز سيف شطير

يهابهم من سمع فيهم ومنهم يــهــاب

لازغرتن بالوازم لابسات الحرير

يردون حوض المنايا لاكلح كل نــاب

ياعز من ينتخي فيهم لا صاح النذير

لاصار عج الرمك مثل كتام الضباب

ميدانهم لأ حضر فيه الكبير وصغير

بيمانهم شلف ورماحن وسم الحراب

جدع الجنايز على الساقه صويب وكسير

من فعلهم تشبع الضبعه وشيب الذياب

هم لأبتي وافتخر واقولها من ضمير

هم عزوتي لأ زما فوق الفيافي سراب

يقوله الي بصدره مثل نار السعير

نارن توقد سناها مثل ضو الشهاب

على بني عبس ربعي مكرمين القصيد

ربعي هل النايفه ومطوعين الصعاب

دخيلهم والله انه مانشد وش يصير

من طب وادي حماهم زال همه وطاب

اليازما زامين يرجع ضعيف وحقير

من هازهم خاب طلابه وخيب وخاب

تمت عدد ماشلع بالجو طيرن يطير

وعداد ماغرد القمري بصوت الرحاب

　
　
　
　

غنيمان الرشيدي

الموضوع الأصلي: القصيدة جديدة | | الكاتب: عوادالشويلعي | | المصدر: شبكة بني عبس

[طارق الشويلعي]

الله تسلم يمناك على طرحه وصح لسانك

[نوماس5]

صح لسأأأأأأأأأأأأأأأأأأأنكــ
يسلموو على النقل المميز

[سيف المهيمزي]

صح لسانك شاعرها على هذه القصيده الجزله الذي لايكتبها الا شاعر جزل

[عوادالشويلعي]

شاعر هذا القصيدة /غنيمان المقوعي الرشيدي

[ابومساعد الشويلعي]

قصيدة جزله وصح لسان شاعرها