[النمر1012]

ياعاذلي بالله وين انت رايح
يوم الردى فكّيت قفله وبابه
مالك معي هرجه ولا لك نصايح
ارشد بها حالك وكب الطلابه
مادام وجهك يااسود الوجه طايح
مع الرجال اهل القنا والحرابه
وشلون تنصحني وكلك فضايح
الله أكبر يازمان الغرابه
أنا أدري ان صدرك من الغبن فايح
وفعلي ونوماسي يزيد التهابه
ماهمني قولك وكثر المصايح
مادام دربي كل قرمن مشابه
أنا هويت اللي زهته المدايح
على النقا والعز ماهي نهابه
المترف اللي خالي من القبايح
الجادل العاقل عزيزن جنابه
غلاه متغلغل في وسط الصفايح
يسري مع الدم الحمر واهتنابه
كل العذارى من جميع الشرايح
تعلمن منها فنون الذرابه
كتبت فالدفتر وصدر اللوايح
لعل فدوتها خبول القرابه



وليد المشرافي

الموضوع الأصلي: أنا هويت اللي زهته المدايح على النقا والعز ماهي نهابه | | الكاتب: النمر1012 | | المصدر: شبكة بني عبس

[أجهل احساسك]

صح لسانه، و سلمت .

[النمر1012]

صح بدنك والله يسلمك وعافيك ومشكور علي المرورررررررررررررررر

[المر العذب]

رائع .. رائع ..

[النمر1012]

الله يسلمك ومشكور ياالمر العذب ومشكور علي المرورررررررررررررر

[العبسي الغامض]

يسري مع الدم الحمر واهتنابه
كل العذارى من جميع الشرايح
تعلمن منها فنون الذرابه
كتبت فالدفتر وصدر اللوايح
لعل فدوتها خبول القرابه

[النمر1012]

الله يسعدك يالعبسي ومشكور علي المرورررررررررررررررررررررررررررررررررررررررر