[رشيد]

ماكان للياس صوب اعزوم نفسي طريق
*** لا شك بعض الامورتضيق منها الصدور

ويضيق صدري لا مني شفت ما لا يليق
*** بسم المعالي وبسم الطيب واقول جور

وابيع هـمي لصـدر شـال ما لا يـطـيق
*** من جـّور حـظ تولاه الشـقا والدبـور

صـابـر ولو لي مـن الآمـال ما للـغـريق
*** كان فـزعت لي يديـني دون حـلق الشعور

آمـنـت بالوقــت واثـر الوقـت ماله رفـيـق
*** الوقـت لو له رفـيق ما ارخــصـه للـقبور

ليه ومتى خـاب ظـني فـيك يا اقـرب صـديـق
*** وليه أفخـم اقـصور وقتي مـعـتـشـيه القـصور

ياطـويق ماعاد اشـوفـك فـي عـيـوني طـــويق
*** من يوم شـمـس المـواقـف اشرقـت دون نور

باسعـى العـمر في مــناكب ملـتـقى كل ضـيـق
*** مهما قـوى الشـيب ذلـت شعب عـمر الزهـور

وباشـوف اراضـي خـيالـي واسـعـه لوتـضـيـق
*** واقــف لـخـاطر اثـمـار البال وقـفـة جــذور

بابيـع غالـي زفـيـر ادناي لاقــصـى شـهـيـــق
*** واكتب بصـمـتي ( هي الدنيا متاع الغرور )

واحـفـظ لـزلة لسان الليل سر عميق
*** في جـوف صبح سـقا الصحرا هـّماج البحـور

بانسـى وباســجـن جـفا واقـع زماني عـتيق
*** في الخـاطـر اللي يسلي غـربته بالـكـسور

والا انـت ماعـاد لاعـذارك مـكان وطــــريق
*** ولا لهــيبة حـضورك بعد ما ابـطيـت شـور



متاع الغـرور
لـلـشـاعـر المـتـمـيـز / وبران آل كليب
فــّـك ألله أسـرهـ .

الموضوع الأصلي: ~*¤ô§ô¤*~*¤ô§ô¤*~ متاع الغـرور ~*¤ô§ô¤*~*¤ô§ô¤*~ | | الكاتب: رشيد | | المصدر: شبكة بني عبس

[البنفسجي]

الله يفك اسره قصيده جميله


يعطيك العافية



البنفسجي

[بندر الذيابي]

صح الله سان شاعرها وفك الله اسره


قصيده تحاكي حال شاعرها

معاني ومفردات جميله



لاهنت علي النقل اخوي رشيد


ننتظر جديدك

[رشيد]

سلمكم الله احبتي

ودمتم بأحسن حال

[الهنوف]

صح لسانك ولسان شاعرها

وشكرا لك على النقل الرائع ووفقك الله

دمت بخير
أختك الهنوف

[رشيد]

صح لسانك ولسان شاعرها وشكرا لك على النقل الرائع ووفقك الله دمت بخير أختك الهنوف

لاهنتي ودمتي بأحسن حال يارب