[الـريـم]

ليه اتعلق بك امل وانـا ادري انـك مستحيـل
ليه ازرعك نبتة غلا والوسـم طافـت اشهـره
ليه اشعرك اني عطا ..واعطيك لاخلاصي دليـل
وانا احتضر لآخر عشم داخـل حـدود المقبـره
ليه اسهرك يقضة حلم .. والصبح مخلابه طويل
يا تنتهـي فـي مخلبـه او تستديـر وتكسـره
ليه انطفي لجلك وفا .. واليأس با حساسي نزيل
ليه اشتعل لجلك رضا.. وانا العتب يـا مكثـره
احيي مواعيدك وانا ادري هاجس اللقيـا قتيـل
واجيك ذنبٍ ما ارتكبته ..من خطأ.. واستغفـره
اشوفك دروب الفرح وامشيك والخطـوه تميـل
ضعتك وهم.. ضعتك سراب امشي ولآصل آخره
الى متى وانا اغمرك عشق ودموعي لك تسيـل
واصيح احبك ..صوت ضايع في ركام الثرثـره
والى متى وانا احفظك في دفتـري كـلام ليـل
والى متـى باحْبسّـك دمـعٍ بالنهايـه بانثـره
مدري المسافة ظالمه؟ ما تجمع الخـل بخليـل
ولا المشاعر ضايعة؟.. بين الطعون ..مبعثـره
عطني امل انك تبطل فـي حياتـي المستحيـل
وامشيلك دروب الغلا من اطوله ليـن اقصـره







مما راق لي

الموضوع الأصلي: ليه اتعلق بك امل وانـا ادري انـك مستحيـل | | الكاتب: الـريـم | | المصدر: شبكة بني عبس

[أميرة البنات]

عواإاإافي ياإاخيه

[ابن اخزيم]

مشكوووووور والله يعطيك الف عافيه ياااااااااااريم

ابيات راااائعه

[سعد محمد]

صح لسان شاعرها ولاهان ناقلها
شكراًلك,

[بندر الشويلع]

صح لسان شاعرها وتسسسسسلم يمين ناقلها
وختيار موفق.

[بندرأبن طريف المظيبري]

ليه انطفي لجلك وفا .. واليأس با حساسي نزيل
ليه اشتعل لجلك رضا.. وانا العتب يـا مكثـره

يسلم ذوقك وختياااااارك رائعة
جسدت معاني كثيرة ..راقت لي يا الحبيبة
تسلم يمينك

[الـريـم]

ماانحرم من هالطله

[الزعيم..]

أبيات رااائعه ..

سلمت الانامل ..