[صلاح مطلق]

قلبي كما غصن ن على راس مشراف .. ومنين ماهبت هبوب ن تلوفه
والعين عن حلو الكرى صابها اعياف ..عافت لذيذالنوم وهي معيوفه
على حسين الدل والسلم ووصاف .. اللي به اﻷيام صارت ذلوفه
عليه صندوق المعاليق شفاف .. والحزن وهموم الليالي تحوفه
ماني بمزهافن وﻻشك مزهاف .. لحل ذكر اللي فريده وصوفه
لحل ذكر صويحبي جاني اهراف .. اهراف ذيب ن حافياتن اكفوفه
حب الحبيب مسرفن فيني اسراف .. وبالوصل عيت ﻻتهيا اضروفه
الوقت عيا ﻻيجنا باﻻنصاف .. والحظ عاندنا وﻻبه مروفه
اقفا واناء قفيت عنه بﻻ انكاف .. وﻻ اظن بعد اليوم يطري نكوفه
ورغم البطا والبعد واحزاب واحﻻف .. طيفه يراودني وبالحلم اشوفه
خطرن ايخطف العقل ياناس خطاف .. والروح تصبح من جسحدها مخطوفه
وجدي عليها وجد من شاف ماعاف .. وجد العواجي يوم فارق اسيوفه

الشاعر/ صﻻح مطلق بن بدوي

الموضوع الأصلي: قلبي كما غصن ن على راس مشراف | | الكاتب: صلاح مطلق | | المصدر: شبكة بني عبس

[بروفسور الشعر]

صح السانك

تحياتي لك

[المشعل]

ابيات رائعه
صح السانك ولاهنت
وبنتظار جديدك..

[رمح عبس]

صح السانك قصيدة جزله لاهنت

تحياتي لك