[(*العرعري*)]

مساء الخير على الجميع

للأسف لايوجد لدينا إعلام بمعنى الكلمه للمنتدى أو للقبيله ,
أين اعلام المنتدى من تغطية المحاورات التي تنهال على الحفلات والزواجات
اللوم على الأعضاء والمشرفين اللي متواجدون بالحفلات فى كل ليله فقط يجي ويكتب كانت هناك محاورة بين
فلان وفلان وكنت اتمنى ان الخبر مغطى بالصورة والتقرير وانموذج من ابيات المحاورة او التغطية بالفديو 0 نبي فعل وكلها 500 ريال أدنى سعر تشتري الة تصوير
فيديو حجمها قد كف يدك وانت متواجد بالحفله سجل وخلنا نكون نشوف زي الناس
وأنا أي محاورة تكون بالمدينه المنورة والله كلها نزلتها لكم ولكن تعرفون أغلب محاورات شعراء الرشايده كلها بديار الرشايده
وكل ليله تحطون البنرات بأعلى المنتدى وكلها صور عن المحاورات كانت هناك محاورة وهنا محاورة ولاأستفدنا
منها شي ياخوان انا سبق وأن قلت اللي ظروفه ماتسمح يرسلي رقم حسابه وجواله وانا تكفل بالباقي بحق
ألأرساليه وحق الة التصوير بس غطوا لنا المحاورات اللي تصير بدياركم ولانبي منكم كلام او كتابه
فقط , الشي اذ ماكان كامل ماله داعي والنقص ماحد يبيه ,
وأهل حايل وديار الرشايده لاصارت عندهم حفلة وانتهت الحلفه راح صاحب الحفله وأخذ الفلم وققل عليه بخزنته ودولابه 0
ليش ماتبي تنشر الحفله وتوزعها زي البشر حتى تعم الفائدة ويقوم اعلامنا بدوره في ابراز أعلام الشعر في ساحتنا الشعبية 0
طلبت نسخة من احد الحفلات من زميل لي و
اتصل بي وقال صاحب الحفله مارضى يعطني الفلم وقلت له نبى نسجله ونرده لك ورفض ذلك 0

(( ولو كان لدينا أعلام لكان شعار قبيلتنا مثل القبايل الأخرى أشتهروا بين ساحات المحاورة ,
أخواني كلكم تعرفون عيد بن مربح ورشيد معدي وأخو سلمى شعار كان عصرهم عصر صياف ومطلق ومستور ولكن للأسف الأعلام من بدايته ماكان أنصف شعار قبيلتنا وأبيكم تأخذون درس من الماضي ولانبي لشعار قبيلتنا أن لايظلمهم الأعلام ونحن من نقدر أن نرفعهم ونشهرهم بأنفسنا ولكي يعرف الجميع أن لدينا شعار كبار وانا والله أقولها بكل صراحه أني ماعرفت فهاد بن ناصر وعايض بن جوهر غير قبل 3 سنوات والمشكله الأعلام ,))

اتمنى أن يبقى الموضوع بقسم المحاورة لكي يطلع عليه الأخوان اللي يعطونا أخبار عن المحاورات دون نتيجه0

الموضوع الأصلي: للأسف لايوجد لدينا اعلام بمعنى الكلمه | | الكاتب: (*العرعري*) | | المصدر: شبكة بني عبس

[صميدع راس]

مشكور يالعرعري على هالموضوع وانا والله ماني حول المناطق اللي تقام فيها المحاورات لكن اتمنى التفاعل من قبل الاعضاء واكمال اللازم حيال ذلك

وتقبل مروري ياللغالي

[الـزيـ سالم ــر]

والله كلامك صحيح يالعرعري بس الوم على المشرفين

[الشاعر المصيبه]

بيض الله وجهك انشهد انك صادق علي بالحرام انهم داسين افلاهم فى بيوتهم تقل داسين فلوس
وبيض الله وجهك
انت والله للامانه ماقصرت كل المحاورات اللي بالمدينه غطيتها لنا

[عازف]

العرعري
مشكور على هالموضوع الرائع وان كنت اختلف معك في أن الكثير من أهل حائل يدسون افلامهم كما ذكرت قد يكون هناك ولكن يمكن واحد او اثنين والدليل ان تسجيلات الحليفا
مليئه جدا بالاشرطه لجميع شعراء الرشايده ولكن اخي الكريم
لايوجد تغطيه من ابناء القبيله فقط من يحضر المحاوره لايحاول بذل المجهود لنقلها لنا
وضف على ذلك المحاورات التي تجري بالكويت وكذلك بالرياض والشرقيه وغيرها من المناطق
وانا أضم صوتي لصوتك بأن يكون هناك فريق عمل يهتم في تغطية المحاورات لأن كثير
من الشعراء لم نشاهدهم خصوصا هذه الصيفيه
وشكرا لك يالعرعري انشهد انك رجال ولد رجال

[(ابوعواض)]

العــرعري بيض الله وجهك

مآعليــك قصووور

وكلـآآمك صحيح 100%100


وانشآء الله انحضر محاوره لاصورها وانزلها لكم
دمت بخير ع هالطرح المميز ^_*

[بندر بن صبح]

لاهنت يالعرعري على الموضوع اللذي يستحق التفاعل معه للامانه

وفعلا يستحق التميز الموضوع هذا

[البعيد الهادي]

العرعري
اول شي لحمدلله على السلامه
واجااازه سعيده وعووده حميده
واشكرك جزيل الشكر على هذا الحرص والمناااشده
بهذا الخصوص
ومثل ماتفضلت لابد ان يكووون هناااااك حفظ لجميع محاورات بني رشيد في حفلاتهم
سوائاً كان شاعر كبير او صغير لابد من رفع معنويااات
شعااارنا واعطائهم حقوقهم بهذا المنتدى
والمسئله بسيطه كلها تصوووير باالجول وتنزيل المقطع
وهذا جزء بسيط من خدمة الاخوان لهذه الشبكه العملاقه
ولايحتاااج تكلفه .. وان شاء الله ان الاخوان المتواجدين باالحفلات
مايقصروون وسوف يقوومون باالواجب واتنافس الشريف
واخيراً وليس اخراً
كل الشكر لك اخي العرعري
على هذا الحرص والمتاابعه والجهووود المستمره لاجل قبيلتك
دمت بخير وصحه