[محمد الدغباسي]

هذي قصيدة الشاعر / ثامر شبيب الدغباسي

يـا الشعـر مـا جيـتـك ادوّر مكاسـيـب

يغنـيـنـي الله عـــن طـمــانٍ رقـيـتــه

البارحـه ضـاقـت وجـيـه الاصاحـيـب

البـارحـه مـــا بـاقــي شـــيٍ خفـيـتـه

فـــي لـيـلـهٍ كـــلٍ يــــدور مـعـازيــب

خـلـيـت بـيـبــان الامــــاره وجـيـتــه

سقت الركايب فـوق روس المراقيـب

ولا وقـــفٍ إلا عـلــى بــــاب بـيـتــه

بيت الفقير اللي مضـرا علـى الطيـب

تـراه اكــرم شـخـص لامــن نصيـتـه

يعطيـك مـن قلبـه قـبـل مــدة الجـيـب

يـحـس فــي قيمـتـك والـلــي بغـيـتـه

اليـا خــذا مـنـك ذكــر طيـبـك بغـيـب

واليـا عـطـا مــا قــال: هــذا عطيـتـه

ماجيتـه اشكـي قــل مــال ومواجـيـب

جيتـه ادوّر شـي (( ابيـه ولقيـتـه ))

جيته احس انـي مـن الضيـق مانيـب

قــادر ارد مــن النـفـس مــا خـذيـتـه

مـرت ثـلاث سنيـن شـعـر ومكاتـيـب

فــي درب مــا احـبـه ولـكـن مشيـتـه

في عيون جمهوري وعشاقي مصيب

وفـي عينـي اكبـر ذنـب ذنـبٍ جنيـتـه

اصبحت شاعـر لـه حفـاوه وترحيـب

كسبـت فـوق اللـي حسـبـت وهقيـتـه

لكن خسرت انسان خالـي مـن العيـب

والمشكلـه انـه مـا جفانـي .. جفيـتـه

انسان غيـر وشفـت غيـره عذاريـب

انـسـان يــوم انــي خسـرتـه بكـيـتـه

لـو القصيـد اللـي خـذا قـربـه يجـيـب

بـعــت القـصـايـد كـلـهـا واشتـريـتـه

يالشعـر لا يـانـاس روحــوا منـاديـب

عـنـدي كــلام ارتــاح لامــن حكيـتـه

قولـولـه: انــي مـانـي بـقـادر اغـيـب

الـبـعـد عـنــه هـدنــي مــــا قـويـتــه

قولولـه: انـي عـفـت كــل الرعابـيـب

الشـاهـد الله مــا عـشـقـت ونسـيـتـه

قولولـه: ارجـع للضلـوع المصاويـب

للحـيـن تـرجــي مـــا بـنــاه وبنـيـتـه

الشمس وهي الشمس كل ليلـه تغيـب

وشـلــون مـــا يعذرغـيـابـي فـديـتــه

وكانـه قبـل عـذري فـدتـه المعـازيـب

والشـعـر كـلـه مــا كـتـبـت وقـريـتـه

تقبلوا تحياتي

الموضوع الأصلي: بيبان الاماره | | الكاتب: محمد الدغباسي | | المصدر: شبكة بني عبس

[سعد الشقل]

صح اللسان ثامر شبيب المهيمزي على هالقصيده الجزله

والله لا يحرمنا من ابداعاته

ولاهنت على النقل الرائع ..//

[صقر المشعلي]

صح اللسان ثامر شبيب وبيض الله وجهك على النقل المميز

[ابن سعيد]

صح لسان

الشعر ثامر

وشكراً على النقل

يا محمد

الله يعطيك العافية

[صالح مخلف المظيبري]

صح لسان ثامر ولا هنت على النقل

[حــزام]

بيض الله وجهك اخوي محمد الدغباسي
وصح لسان الشاعر المعروف ثامر شبيب
قصيدة جزله وتثبت نفسها
سمعت ان الشاعر ثامر شبيب سيشارك ببرنامج شاعر المليون اتمنى تفيدنا اخوي محمد عن الخبر؟
ولاخلا ولاعدم

[محمد الدغباسي]

يعطيكم العافيه ومشكورين
بالنسبه للشاعر ثامر لن يشارك بشاعر المليون

[فهد المويسه]

قصيده رائعه

وتقبل سلامي