[العالم الفلكي]

بسم الله الرحمن الرحيم

السلام عليكم ورحمة الله وبركاته

هذه المحاورة بين الشاعر قسورة الغاب والشاعر السبع الضاري

قسورة

ياسبع ياسبع ياسبع الخلا سرحان سرحان=ابوغظنفر على دربك قعد يومي براسه
قال المثل طب بالميدان وافهم ياحميدان=مافيه غير الشهب البارود لاتدور وناسه

السبع

ياقسورة لابةٍ طرما حمم من بعد بركان=الظاهر انك تحسب السبع مابرأسه فراسه
مامن وراكم وناسه والوعد من بيننا حان=لكان لومك على اللي مايكبك في مداسه

قسورة

طرما ولابه وفيها للمدور خمس ريعان=لو المطر رشها ماتنغسل منها النحاسه
الموت من قسورة يالسبع جاك ابدون عنوان=وشوي وتحب خد الارض ياسبع بسلاسه

السبع

هذا هو اللي مخلٍ ماركتك اشكال والوان=مثل الحذا كل من يمشي بكبد الرجل داسه
الموت ماهو معك يانكبة ابريل وحزيران=لو يجمد الماء يذوب ويرجع الماء يم ساسه

قسورة

الوطيه الي بخدك عانها وطيت كحيلان=قدام ابوفاس لاياطاك في رجله وفاسه
ابك انت حصني وعرفك لو تروغ ياحصنان=من طال ذيله يجره جر من ناسه لناسه

السبع

ياالله دخيلك من النكبات في دورات الاكوان=يومٍ تشوف العرب فضه يميز من نحاسه
تدري وش انت؟انت من غابة كليب بضلع ورقان=ماغير غصن الشجر فيها تكسر من يباسه

قسورة

ايه ارجعي ياحليمه يم علمك كان ماكان=اليا ملينا شليلك بالذهب جاه انتكاسه
خابرك منغابتن متشابره لفلان وفلان=مفروض وضعك يحذر في مناهيج الدراسه

الموضوع الأصلي: قسورة الغاب××السبع الضاري | | الكاتب: العالم الفلكي | | المصدر: شبكة بني عبس

[ناصر خنيفر]

مشكور على التنسيق وصحت السنت الشعار

[صقربني عبس]

صح السنتكم
وعاشوا شعارنا

[عيسى العرعري]

يعطيكم العافيه

وبيض الله وجوهكم



ولك الشكر والتقدير لكم على التنسيق الرائع



تحيـاتي

[وسام عبس]

يعطيك العافيه ع الموضوع الرائع .

[ابو ريان الرشيدي]

صح الله السنتكم.

[مهبوب ريح]

يرفع ..............

[مصفي المرح]

يرفع ,,,,,,,,,,,,