[مداروفلك]

السلام عليكم ورحمة الله وبركاته

اليكم تنسيق محاورة

الشاعر/ الكايد99 والشاعر/الكابتن

ونتمنئ تحوز على رضئ الجميع

الكايد99
ياالكابتن الطيار الك كم يوم ليلك والنهار= متواصل الرحلات والدنيا كفى الله شرها
ليكون هالكابتن جديد وضيع ادروب المطار= و حط السماء وصلات والدنيا كفى الله شرها

الكابتن
ياصحابنا اللي تفرقون البيض من لون السمار= احلامكـم هيهـات والدنـيـا كـفـى الله شـرهـا
يمـكـن تحـجـز التـذكـره لبـهـا وتــودا قنـدهـار= تجبـر علـى اللفـات والدنـيـا كـفـا الله شـرهـا

الكايد99
حنا من الواقع بنينا الحلم واخذنا الشعار= وعلومنا جزلات والدنيا كفى الله شرها
نقطع تذاكرنا مع البوردنق بافاق ومدار= الا معك بذات والدنيا كفى الله شرها

الكابتن
انا لقيت البيع وسـط السـوق للنـاس احتكـار= هات السوالـف هـات والدنيـا كفـا الله شرهـا
ياللي حجزت اوكيه حجزك صار ضمن الانتظار= ما تسمع النشـرات والدنيـا كفـى الله شرهـا

الكايد99
هذا زمان العولمه والوضع من دون أختصار= يابقى الجهل مامت والدنيا كفى الله شرها
اذا لغيت الحجز سارعنا بتغيير المسار= وصيح وراء الصالات والدنيا كفى الله شرها

الكابتن
مدري زمان العولمه والا زمن موت الكبار= والا زمـن ثـورات والدنيـا كفـا الله شـرهـا
نبغا علوم تلامس الاحداث ما نبغـا صغـار= ماهو زمان سكات والدنيا كفا الله شرها

الكايد99
هذا زمن حرية الانسان وصناع القرار= ولى زمانٍ فات والدنيا كفى الله شرها
لاشفت يالكابتن عيون القوم تتقادح شرار= قل يرحم السادات والدنيا كفى الله شرها

الكابتن
افهم كذا انـك ضـد راع الباخـره عكـس المسـار= تقـدر علـى الويـلات والدنـيـا كـفـى الله شـرهـا
شفت العجوز اللي قرب منها ولدها ما ستشار= عسى ماهـي نكبـات والدنيـا كفـى الله شرهـا

الكايد99
يالكابتن الطيار كل الناس ماطيق البحار=ياراعي الفزعات والدنياكفى الله شرها
مازلت الى هالحين يالكابتن تحت بندالحصار=لانك بدون أثبات والدنياكفى الله شرها

الكابتن
احسـن تمـوت بعـز والا تعيـش حـيٍ بنكسـار= ملـف فـي خانـات والدنيـا كـفـى الله شـرهـا
قرب يمينك عند جمهات الاسـد وان كـان زار= اضرب على الجمهات والدنيا كفى الله شرها

الكايد99
يمكن نهاية كابتن الرحله برد الاعتبار= تقراء على المنشات والدنيا كفى الله شرها
ويدي اليامديتها بطيب لطوال العمار= يامادحين الشات والدنيا كفى الله شرها

الكابتن
نبغا الاجابه خط يد ما فيـه اجابـات اختيـار= كانك تبا الطالات والدنيا كفـى الله شرهـا
البس جكيتك لو جكيتك قطن ما فيها زرار= يالله عساك تبات والدنيا كفـى الله شرهـا

الموضوع الأصلي: تنسيـق محــاورة الكايـد99 ,والكابـتـن | | الكاتب: مداروفلك | | المصدر: شبكة بني عبس

[مصفي المرح]

صح اللسان الشاعرين مشكور على التنسيق

[الكايد99]

مشكوررررررررررررر يامدار وفلك على التنسيق الرايع

بيض الله وجهك