[خاتم الرشيدي]

#عاصفة_الحزم

لياقل صبر الحليم ومابقى حيله
والخصم قفل حلول السلم بفعاله

قام يتحدى االعقل واصغى المهابيله
وصفاته الغدر والتزييف مواله


لابد من ضربتن تنهي مواويله
بالحزم والجد والقوات تعباله

من كف سلمان وتهدم مداهيله
صقر الجزيره شديد الباس ورجاله

طوق عليه السماء والارض ماتشيله
في عقر داره غزاه وشتت احواله

قطع عليه المدد وحكم مداخيله
بالجو شيهان والميدان خياله


اصقور صقر الجزيره مزبن دخيله
خلو خبيث النوايا يعيف مقياله

واللي يمده تخلا ونهدم حيله
يبغى السلامه وفال الله ولا فاله

كبد السماء شهب وارضه نارن مهيله
طلابت الحق جوه وقصو احباله

لا يتصل في صديق وباح تمويله
يوم النشاما تناخو ضاعت اماله

خاتم حاضر المهيمزي الرشيدي

الموضوع الأصلي: لياقل صبر الحليم ومابقى حيله #عاصفة_الحزم | | الكاتب: خاتم الرشيدي | | المصدر: شبكة بني عبس

[حنان العنود]

صح لسانك وسلم بنانك
والله رائعه حيل تهبل العقل
نظم مكتمل قافيه ووزن
الله يعافيك يشاعرنا والله والنعم فيك
روووووعه رووووعه بنشرها بمنتدي الثاني وباسمك
الله يطول عمرك

[خاتم الرشيدي]

حنان العنود صح بدنك لاهنتي
وشكرا لك على التفاعل وبشرفني نقلك لها لك جزيل الشكر


راس ابو مشعاب
صح بدنك وشكرا لك على التثبيت لاهنت ياتاج راسي

[سعد الرشيدي]

صح لسانك وسلم بنانك

[خاتم الرشيدي]

صح بدنك أبو محمد وشكرا لك على الحضور والمشاركه