[ابن شلال]

ياعيد انا من كثر ماعض الابهام***من الندم وقف عن العرق دمه

على زمان العام واللي ورا العام***هاز الندم ياعيد قلبي وخمه

سجيت مدري وش ورا سود الأيام***تسوقني نفسي على كل يمه

حتى عرفت ان الولع طير حوام***يورد الظامي على غير جمه

والناس تاقف صف وقلوبها اقسام***ياعيد محد ن هم غيره يهمه

الوقت ذا مابه خوال ن ولا اعمام*** عز الفتى هو ماله اللي يلمه

ان زاد ماله زان له سير الأقدام***وان قل طاح ولا لقى من يزمه

حاربته الأمه مثل حرب صدام*** واليا سرق ماللأثر من يدمه

اليا رقد حظك قطف عنك الأنسام***ماينفعك شم الهوى لو تشمه

وان سار معك الحظ قدام قدام***انقد منادي الطير بأسمه وسمه

ياعيد انا قاري وكاتب ورسام***واحل وافهم بالأمور المهمه

رفعت صوت الحق بالشرق والشام***والحق سكر مسمعه في معمه

آخر زمان الظلم هو سيد الاحكام***يحكم على القاضي وحكمة بكمه

ومن العشى مايحرم الصقرغشام***الا اللذي لامن نوى شاور امه

وان قلت وان ماقلت منلام منلام*** لكن بسكت قبل اجيب المطمه
[/poem]

الموضوع الأصلي: ياعيد انا من كثر ماعض الابهام... | | الكاتب: ابن شلال | | المصدر: شبكة بني عبس

[العبسي الغامض]

عزالله قصيده في جوفها فحيح « آهـ »
وكل بيتاً بها جنه دغم آلمها عيد الله يعينه
على هذهي الجبارهـ

لله درك

[أخـو جـزعـة]

عزالله من قو البيت ما لقيت كلمه توفي حقك من هالابداع يا بن شلال

صح السانك مليون ولا يكفون

سجل اعجابي يالشاعر المطمه ههههه

[سمو المجد]

صح لسانك واعتلا شانك

[سند الداموك]

للأمانه كل بيت أجمل من الثااني >>~~~ صح لسانك ابن شلال

لك تحياتي

[تعبت منك]

صح لسانك واعتلا شانك

[عادل الشويلعي!!]

بيض الله وجهك قسم انك تستاهل التمز
قريتها امرارا ولم اشبع منها قرائتها
صح السانك

[بركه الخياري]

ياعيد انا قاري وكاتب ورسام***واحل وافهم بالأمور المهمه

اذا منت نجم فأنت قمر شعري صح لسانك

أبدعت ثم أبدعت و سجلني من متابعينك بقوه و لي الفخر