[ناصر الوبران]

ورحمة الله وركاته

اليكم اليكم قصيدة الشاعر احمد الطشه . . . .


ما عاد باقي تجاهك شي يدفعني
ـــــــــــــ ارجوك تنسى زمان ٍ راح وانساني

وشلون ابطلب خفوق ٍ كان بايعني
ــــــــــــــ صعبه نعيد الخطا وياك من ثاني !!

ماشوف حبك بعد ما صار يقنعني
ــــــــــــــ مدام قلبك يموت بنبرة احزاني

حاولت اجامل لقيت الحب يخدعني
ـــــــــــــــ بين الحنايا رمى الطعنات وانهاني

عشها حياتك بدون احباب طاوعني
ــــــــــــــ واتركني اسلى واعيش العمر وحداني

حيرني اكثر سؤال ٍ فيك ضيعني
ــــــــــــــ من دون ذنب ٍ جنيته ليه خلاني !!

ان جيت عادي ترى وان غبت وش يعني !!
ــــــــــــــــ ما كنك الا خطاي بسالف ازماني

موت المشاعر.. تصور حيل يفزعني
ـــــــــــــــ لقصى المتاهات منك ( الهم ) وداني !!

الجرح الاول .. عقب ما طاب شيعني
ــــــــــــــ والجرح الاخر.. عقب فرقاك ناداني

ماكل شخص ٍ يمر القلب يخضعني
ــــــــــــــ اموووت مارجي حبيب ٍ صد بلساني

( العزة ) اللي ربت بالنفس ترفعني
ــــــــــــــ تجري بدمي سقاها نبض .. شرياني

عوّدت منهو بغاني دوم يتبعني
ـــــــــــــــ ماطرد ورا اللي لامال الوقت ما جاني

اعلوم ( الاجواد والشيمات ) تمنعني
ـــــــــــــــ ماجازي اللي نوى تركي .. وهجراني

واللحين مابي كلامك بس واسمعني
ـــــــــــــــ ارجوك تنسى زمان ٍ راح .. وانساني



واعذب الود لقلوبكم
النااااابضه به


وسلامـــتكم؟؟؟؟

الموضوع الأصلي: الشاعر احمد الطشه | | الكاتب: ناصر الوبران | | المصدر: شبكة بني عبس

[صالح مخلف المظيبري]

صح لسانك
مشكور على النقل