[(الفارس)]

قصيدة اعجبتني وحبيت انقلها لكم

لا غشاك الليل واسرف بـك الحـزن العميـق=جنّـب وجيـه البشـر واسـجـد لخلاّقـهـا
ادخل بـغيبوبـه مـن الهـدوء .. ولا تفيـق=و راود دموعـك علـى عينـهـا واحداقـهـا
خل روحك تدّرج .. مـن زفيـر اليـا شهيـق=دمعـة لحضـورهـا .. دمـعـة ٍ لفراقـهـا
كـن دمعـك وقتهـا يغسلـك ويبـل ريــق=وجه الارض وينتـزع روحـك مـن ارهاقهـا
رتّب انفاسـك .. ودوّر علـى نفسـك طريـق=واستـرح بيـن الحنـايـا وفــل ارواقـهـا
راجع ذنوبك على اقل مـن مهلـك ..و ويـق=شــوف وتفـقّـد معاليـقـك وخفّـاقـهـا
الحزن : دافـع قـوي للرجـال .. ولا يعيـق=غيـر نـاس ٍ تخـلـق وذلّـهـا فاعناقـهـا
الشقيـق يدعّـم الـذل فـي اخـوه الشقيـق=والبضايـع تختـلـف باخـتـلاف اسواقـهـا
وانـت حاضـرك يتفاخـر بماضيـك العريـق=شجـرة ٍ عجـز الزمـن لا يحـت اوراقـهـا
كنْه شمس مـن الذهـب والجواهـر والعقيـق=كـل صبـح يلامـس المجـد نـور اشراقهـا
وكان عزمك ما رقـى قمـة الضلـع المويـق=ما انـت لاقـي عـز فـي جلالهـا ودقاقهـا
نوّخ ركابك .. وشكّـل مـن اشكالـك فريـق=الرخامـه فــي تـزايـد عــدد عشّاقـهـا
الاسامي حمل .. واللـي حمـل مـا لايطيـق=شـاه ودك للصـفـاه الضـحـى تستاقـهـا
العـرب مـا تبغـي الفخفخـه ولا البـريـق=تبـغـي امطارالسـحـب ماتـبـي برّاقـهـا
لا تحسـب المرجلـه : زول ولسـان ٍ طليـق=الـرجـال رجــال بافعالـهـا واخـلاقـهـا
افـرد جناحـك مـدام السمـا تبغـى عشيـق=اغتسـل مـن غيمهـا / فـج كبـد افاقـهـا
خل اخـوك الصبرواعجابـك بنفسـك صديـق=واعتنـز بالله كفـيـل البـشـر وارزاقـهـا
لا تفكر في هـل الهـرج لـوّ شبّـوا حريـق=الـكـلام مربّـطـه لا تـحــل وثـاقـهـا
وكان صدرك مـن خباليـن خلـق الله يضيـق=والله ان تبطـي ضلوعـك بضيـق خناقـهـا
وان تغنيـت بشعـر فـي فعولـك مـا يليـق=نقّـع جــزال القصـايـد وبــلّ اوراقـهـا
لا تكلـف نفسـك بزوبعـة جـال المضـيـق=المحيـطـات أربـعـه والــدرّر باعماقـهـا
مادرى الشاطي عن الخـوف بعيـون الغريـق=ولا لعب في حسبة الناس غير اشواقها انا اشهد
فإن دعاك الشـوق للـورد وانفـاس الرحيـق=اذكـر اجمـل سيـدات الـتـرف واعناقـهـا
المهاه .. الفارع .. أسطـورة الحـس الرقيـق=مـا ذبحـك إلا غـلاهـا وطــول فراقـهـا

الموضوع الأصلي: لا غشاك الليل واسرف بـك الحـزن العميـق | | الكاتب: (الفارس) | | المصدر: شبكة بني عبس

[رسام الغروب]

صح السانك الفارس
على القصيدة الجميلة لاهنت

[مُخاطِرْ]

صــح لســــانــكـ وتـٍـسـلـم على هالأبيات الجميلهـ^_^
مـبدع صـــرااااحــــهـ ^_~

[مذكر الرشيدي]

مشكور ونقل رائع ومبدع
صح لسان قائلها وتستحق الأعجاب

[أمـــير بـكلمتي]

قصيده جميله

لاهنت على النقل

[سحايب]

صح الســــــــــــــــــــان شاعرها وعلاشانه
اخ قووووووووووووويه هالقصيده
لجمال الحرف والمعنى تربع بين صطورها
تحمل الكثيرمن الحكم والفلسفه العميقه
للحياه .عانقت بنا نجوم السماء ابداع
يعطيك العافيه على اختيارك الذي يدل
على ذائقه راقيه واحساس جميل
تقبل مروري

[(الفارس)]

اسعدني مروركم
كل الشــــــكر لكم جميعاً

[ساااره]

مشكووووووووورالفارس ولا هنت
بيض الله وجهك وتسلم على النقل