[أحمَـد الرشيدي]

السـلآم عليكم ورحمة الله . .

ثآمر شبيب . . شآعر اعشق حروفه

أحضرت لكم شيلتين اترككم معها ، عسى ان تنال استحسان مسامعكم

الغربـه :


يا طــول ليل الشتا لا صرت بـ الغـــربه ،
من ضيقة الصدر آحسب ساعة الجيه ..


آسج عن صاحبي لو كنت في قربه
وآسـرح مع طيفك إليا مْر طاريـــه ..


وآشك إن ساعة الجوال مختربه !
إليا تأخـــرت عن ميعادك شويه . .


وإن دق قلبي "يدق ضربه" ورى ضربه
من رحت عنك على هالحـــال يوميه . .


صوتك إليا من سمعته تهت مع دربه
آحس روحــــي معك ويردها لـــيّه ..


ماقلت لك [ آنت غير ] وطيب التربه
من روس قومن خلقها الله سنافيه


حتى السوالف تجي من "مبسمك" ذربه
سوالفك كنها آحــــــــلام ورديــــه ..


والغربه إللي تضيق بـ ناس مغتربه ..
صدقني إنها معك ما هي بـ عاديــه ..


لا صرت وياك ،، ماحسيت بـ الغربه ..
ماكني إلا [ كويتي ] بـ السعوديه : )

للإستمآع : هنآ



ودعتك الله :

ودعتك الله .. قبل لا قـــــربي تمله
النفس آهون عليها تكون مذبوحه


ولا تجي لك عشان الحُــب منذله ،
إلا بـ هذي آبد ماهي بـ مسموحه !


بتروح ؟! هذا الجـــفا تبخصه وتدله ..
لكن تأكد [ ترى الروحه هي الروحه ]


ما عـــاد فيني شـــبر "تطعنه وتعله" . .
إللي تشوفه: جسد واقف على جروحه ،


العــام | قلبي حضنك و عشت في ظله
سلمت روحك بديه / وسلمك روحه ...


واليوم | واقف بوجهي وسيفك تسله !
الله يذكر زمـان الحب و صروحه . . .


خلاص ما كل مره بدمح الزلـــه ..
إليا متى بـ آعتبر زلتك مدموحه ؟!


إن رحت بلقا بدالك [ من يجي كله ]
ماني آنا إللي تروح و يجلس بروحه


ذكرتني في بيت ماهو لي .. لا والله
للعود ، لكن آحسه يقصدك بوحه :


( هذا الجفا وآنت آبخص فيه وتدله ..
بروح ،، ولا آنت ماتقدر على الروحه )


للإستمآع : هنآ

الموضوع الأصلي: شيلة الغربه + ودعتك الله - للشاعر ثامر شبيب اداء احمد الرشيدي | | الكاتب: أحمَـد الرشيدي | | المصدر: شبكة بني عبس

[محمد الراشد]

عين في راس الشعر
وثامر شبيب ميسي الساحه الشعريه

احمد انت رائع ونجم تسحق المتابعه

تحياتي لك

[سهم عبس]

يالبى صوتك
صح لسان الشاعر/ ثامر شبيب
ولاهنت

[عايد2001]

صح السان الشاعر ثامر شبيب
ولاهنت يااحمد على الشيله الرائعه

[سحايب]

صح الله السااااان ثامرشبيب
قصيده بجدرووعه
ولاكن هالمره الاداءاقل بكثيرمماتعودناه
منك احمد؟؟!!!!!!!!!!!!!!!!!!!!!!
انظلمة القصيده بقووووووووووووه

[أحمَـد الرشيدي]

ياهلابكم جميع تسلمون على حضوركم
ارحبي اختي دمعه ، أي قصيده تقصدين ؟
يمكن قصدك الثانيه .. ع العموم التسجيل قديم شوي
يعني يجي له 3 او 4 شهور
وشكرا مره اخرى لحضورك وطرح رأيك
نورتوا

[ناصر الرشيدي]

صح لسان ابو شبيب
وسلمت يالصوت العذب
تستحق التميز والتثبيت

[سحايب]

السموحه احمد بجد مضيعه
توانتبهت لابجد تستاهل التميز