[فواز العايضي]

ياليل خذني على سطح القمر دوره

مكانتي بالقمم ماني .......مخليها

والشعر ياخال لو هي قلة ....اموره

لو قلة اموره وبانت ......... خوافيها

اتركني اغوص بين الشعر وبحوره

عندي قصيده تميزها .....قوافيها

احيان لو يطلع الرجال عن طوره

النفس تجهل واخاف ابليس يغويها

ماقشر من الجرح لامن مات دكتوره

وماصعب من العله اللي ماتداويها

لو كل واحد يبي يمشي على شوره

ماظنتي يعطي السلعه لشاريها

واللي يبي يكسب الجمهور في دوره

نفوس كل البشر ياصعب ترضيها

هذا زمن نانسي والست شحروره

واغاني(ن)ياكثر منهو يغنيها

ناس من الفسق مقروده ومطيوره

تكتب ولا تدري اللي تكتب ايديها

والله لو تعتذر ماهي .....بمعذوره

يالين تبعد عن الساحه واراضيها

ياشجرة الحنظله مانتي بمعموره

والفتنه الميته ماني ......بمحييها

للشاعر/فواز العايضي

الموضوع الأصلي: الشعر ياخال لوهي قلة اموره | | الكاتب: فواز العايضي | | المصدر: شبكة بني عبس

[الشاطئ المهجور]

احيان لو يطلع الرجال عن طوره النفس تجهل واخاف ابليس يغويها ماقشر من الجرح لامن مات دكتوره وماصعب من العله اللي ماتداويها

دخول رائع وصدا يشرح الصدر صح الله لسانكـ وبيض الله وجهكـ
اهنيك على الابداع اهنيك على ماقدمت من شعر له لذه امام المتلقي
وفقك الله لما فيه الخير يارب
تحيتي لك شاعرنا:فواز العايضي

[كبرياء امراة]

يعطبك العافيه ع الطرح

[ناداني الشوق]

قصيده رائعه ويعطيك العافيه على الطرح

[مدلهم العايضي]

العزيز الفااضل : فواز

سبق وأن قرأت في منتدى إحدى القبائل هذه الأبيات في عام 2006 ...ولكن أمانةً لا أعرف شاعرها

(ياليل خذني على سطح القمر دوره 00000واترك نجومك تحتنا مع لياليها)

(واتـــركـــنــــي اغــــــــــوص بـــــيــــــن الـــشــــعــــر وبـــــحــــــوره )000(عـــــــــنـــــــــدي قــــــصــــــيــــــده ولا ادري وش قــــوافــــيـــــهـــــا)

قـــــصـــــيـــــدة تـــــــرمــــــــي الـــــشـــــاعــــــر عــــــــلــــــــى زوره 0000تــــســــعــــيـــــن لـــــيــــــلــــــه ولا يــــــــقـــــــــدر يــــســــويـــــهـــــا

قـــــصـــــيـــــدة واســـــمـــــهـــــا يـــاهــــاجــــســــي نــــــــــــــــوره0000لـــــــــــــب الـــمـــســـمــــى ولـــــــــــــب الـــــــلـــــــي مــســـمـــيـــهـــا

لــعـــيـــونـــهـــا الــــشـــــعـــــر والــــشـــــاعـــــر وجـــــمـــــهـــــوره000 تــــعــــانــــدوا فــــــــــــي رضــــــاهــــــا مــــــــــــن يـــراضـــيـــهــــا

لــــكـــــنـــــهـــــا مــــــاتــــــلـــــــد الــــــعــــــيـــــــن مـــــــــغــــــــــروره000مــــــــــــن حــــقــــهـــــا جـــعـــلـــهــــم فـــــــــــــدوة مـــواطـــيـــهــــا

تــــــــرفــــــــه وغـــــنـــــجــــــه ومـــــيــــــاســــــه وغــــــــنـــــــــدوره0000واذا انـــتــــهــــا الــــــزيــــــن مــــنــــهــــا جــــــــــــاك يـــبـــديـــهـــا

لـــــجــــــات تــــخــــطــــى شــــــــــــوي شــــــــــــوي مــــــعــــــذوره000الارض مــــــــــــــن تـــحـــتــــهــــا تــــحـــــســـــب خـــطـــاويــــهــــا

وان طــــبـــــت الـــــــــروض الاخــــضـــــر طـــــــــارت طـــــيـــــوره000نــــــــــــص يــــــجــــــي فــــوقــــهــــا ونـــــــــــــص حـــوالـــيـــهــــا

وبـــــــخــــــــدوده الـــــزعـــــفـــــران يــــــــجــــــــدد جــــــــــــــــذوره000فــــــــديـــــــــت الــــــزعــــــفــــــران الـــــــــلـــــــــي بــــخــــديـــــهـــــا

فـــــــــــي ثـــغــــرهــــا الـــشــــهــــد ودع زاهـــــــــــي زهـــــــــــوره000 مــــســــتــــوطــــن ثـــــغـــــرهــــــا مــــــــعـــــــــذور بــــاغــــيــــهـــــا

الـــــيـــــا اضـــحـــكــــت صــــــــــارت الــقـــيـــعـــان مـــمــــطــــوره0000والــــيـــــا بــــكـــــت ردت الـــســـحـــب لـمـنــاشــيــهــا



كما أن هناك أبيات تقريبا في نفس العام للشاعر الجميل : غازي مهنا الشيباني

يقول فيها

جندت نفسـي لنفسـي عـن معاثرهـا
اخاف مـن عثـرة تصعـب تواليهـا

لعـل ربـي علـى الاصـلاح يامرهـا
(النفس تجهل وأخاف ابليـس يغويهـا )

اخـاف تسـرح مـع الدنيـا تغيـرهـا
اهدي النفـس لـو كثـرة طواريهـا

اتعب علـى السمعـة العليـا وادورهـا
وليا بغت مسلـك الـزلات عاصيهـا

ابـي لهـا المرجلـه مانـي بعـاذرهـا
لـو المراجـل تعيـبـات مراقيـهـا

اقص الأمجـاد وأمشـي مـع جرايرهـا
اتبع طريقة رجال الجـود وامشيهـا

اغلي هل الطيـب ماضيهـا وحاضرهـا
احـب عاداتهـم مـانـي مخليـهـا

واصبر ليا ضقـت ليـن الله اييسرهـا
لو خصني حاجة للنـاس مـا بديهـا

والهرجـة اللـي تعدانـي مـا فسرهـا
ولا شفق على كشفها من دون راعيها

واتـرك سبيـل الـعـرب لله يدبـرهـا
تجينـي السالفـة ماكنـي أوحيـهـا

أقول مـدري بهـا لـو كنـت خابرهـا
واللي سألنـي يبيهـا قلـت ناسيهـا

وش لي وراء الناس يوم اجرح مشاعرها
(الفتنـة الميتـة مـانـي بمحييـهـا)



قد يكون كما يقال في الشعر توارد أفكار لكن هذا يضعك في قفص الإتهام بالسرقة لشعراء سبقوك إلا إذا كانت القصيدة الأولى لك



نتمنى لك التوفيق


المشوار أمامك طويل وجميل فإحرص على التركيز والبعد عن الاستسهال بالاستعانة بأفكار غيرك لتحفظ حقوقك وتحفظ حقوقهم الأدبيه

[هتون]

هذا زمن نانسي والست شحروره واغاني(ن)ياكثر منهو يغنيها ناس من الفسق مقروده ومطيوره تكتب ولا تدري اللي تكتب ايديها

والله انك صادق

صح لسانك وبيض الله وجهك

على القصيده الراائعه

ولاتحرمنا جديدك