[المكلماني]

اسعد الله مسائكم بالخير والمسرات


اضع بين ايديكم هذه المحاوره اتمنا ان تنال على اعجابكم بشعرائها




المكلماني

من تهاتيه الفجوج وذبتلي للخريمه=اعرف العاقل على حيد الصواب وتعرفونه
ماهو ابعيب اتخاشر معه عند اشداد ريمه=المصيبه دون ضلع ن جا مخاشر به زنونه

العاقل

من تهاتيه الفجوج اللي على خبرك قديمه=تعرف العاقل وكل اهل النظر ما يجهلونه
كيف ابخاشرك بالمقسوم يا مال الغنيمه=مير لا علك ورا ظني ولا نلقاك دونه

المكلماني

والله اني ما ظلمتك والمعاني لك ظليمه=والبحر لو شافه العاقل نصح لا تسبحونه
لاح برق ودن رعد وقافين للسيل ديمه=مير انا ماني مدور من ورا العاقل معونه

العاقل

ما لقينا بالمطيه وسم يا راع الوسيمه=مير قولوا للوعل لا ينطح الضلع بقرونه
ما ندور برق ما دام السما ما فيه غيمه=بارك الله باللذي قدملك الزاد بصحونه

المكلماني

من مبادي عامنا والمزن نسمع له رزيمه=وانت عود ن من ثلاث اعواد معرف له نمونه
يا محشات القفيا يا معقبت الوخيمه=الزجاج اليا انكسر كيف اصلح اللي تكسرونه

العاقل

ما انته مخلف ولد ما دامت الزوجه عقيمه=والجهل يعمي بنادم لو يناظر في عيونه
شاذب العرقوب محد ن قال نياته سليمه=لو بعدها المكلماني جر واحد في لحونه

المكلماني

والله اني كذ كفلة القاف ودموع اليتيمه=ما لحقني بك ملام وشرهة اللي تبخصونه
شاذب العرقوب عي وعلة القلب وصميمه=وانت من ناس ن على الموال دايم يمدحونه

وسلامتكم


...

الموضوع الأصلي: عاجل :- الـعـاقـل و المكلماني .. | | الكاتب: المكلماني | | المصدر: شبكة بني عبس

[سعد محمد]

صــح آلسنتكم

لاهنتم .. وننتظر جديدكم ’

[فهد بن صالح]

صح السانكـ
ويعطيك العافيه

[المنصـور]

وصح اللسانك يالمكلماني

صح اللسانك يالعاقل

ولاهنتم

[العميل السري]

صح الله السنتكم شعار وافين

[هايل]

صحت السنتكم

[هاوي نجد]

محاوره نقض وفتل من الدرجه الاولى
صح لسان الشاعرين
والعاقل بكل امانه بداء يشق طريقه نحو النجوميه .

[بن مشيلح]

ماشاه الله وتبارك الله علي هاالمحاورة =بس للا سف ماكنت موجوداقل شي امسك الصف