[وضاح اليمن]

اخواني الاعضاء انا متعجب من عضو متواجد 24 ساعه ولكن مستحيل انه يكتب او يرد على أي موضوع وهو العضو رمح عبس انتم تعرفون عنه شي العضو هذا منه الريبه وانا من تحليلي اقول ياما انه
مايعرف يكتب ولا انه جاسوس ارجوكم التحقق منه وفادتي جزاكم الله خير

ياللي على الموقع تعين جواسيس= ويش الهدف قلي وش اللي تريده
حنا على وضح النقا ودحر ابليس= شين يعكر جونا مانريده
الرمح رمح اللي يحذ المفاليس= ماهو برمحن صانعه من جريده
ارحل قبل نقعدلكم بالمتاريس= بمشوكن من ناش يصبح فقيده

الموضوع الأصلي: ملاحظه وتحليل شخصية عضو | | الكاتب: وضاح اليمن | | المصدر: شبكة بني عبس

[البرمكي]

هذا بارك الله فيك سالت عنه وقالو اطرش ابكم الله يشافيه وترك الناس عنك ياخو مزنه

مالك ومال الناس ياراعي التيس= ماتاتي الا بالعلوم النكيده
اليا علجت القات من فرعت الكيس= قعت تدبل في بيوت القصيده
ذولا سلايل عبس واهل النواميس= ماهمهم ذيخن نبح بالحديده
من فعلهم تهجم عليك الكوابيس= ليلتك ماهي ياخو مزنه سعيده

[ناصر خنيفر]

الله يهديكم الله يهديكم الله يهديكم

[راعي الاووله]

ههههههههههههههههه الفضاوه مشكله

[أبو غيث]

الله يعطيكم العافيه جميع

وضاح ما قصر وطلب التحقق من ملاحظه تستحق التحقيق !!
ولكن كان من الأفضل عدم توجيه الإحتمالات بالكلام ومنها أنه لا يعرف يكتب..وأيضاً بالكلام إحتمال جاسوسيته!! وبالقصيده إتهام كامل!!

عموماً ملاحظه ممتازه إذا كان هذا العضو متواجد لفتره طويله تجعلنا نستغرب عدم ردوده ومشاركاته عن ما يتابعه لفتره طويله!!!

وتبرير البرمكي غير مقنع ((مع إحترامي الكبير لشخصية البرمكي))
لان إذا كان أصم وأبكم فالمفترض أن تكون مشاركاته أكثر من الآخرين لأن الوسيله الأسرع للتواصل مع الناس هي الكتابه!

إلا إذا لم يتعلم القراءه والكتابه أو أن يكون به شي يمنعه من الكتابه (( كا الإعاقه الحركيه مثلاً ))

وضاح اللي عليك سويته والباقي على الإداره وإذا فيه شي يستاهل فإحنا على ثقه بأنهم لن يترددو بإتخاذ الإجراء اللازم


تحياتي

[ناصر خنيفر]

شكرا للجميع وتم غلق الموضوع